රුසියා – යුක්රේන යුද ගැටුමට මැදි වූ ඉන්දියානුවන් 2,200 දෙනෙක් අද (06) පෙරවරුවේ යළි ඉන්දියාව වෙත ළඟා වීමට නියමිත බව ඉන්දීය මාධ්ය වාර්තා කරයි.
ඔපරේෂන් ගංගා යටතේ මෙම පිරිස මුදවාගෙන රටට රැගෙන ඒමට නියමිතය.
හංගේරියාවේ බුඩාපෙස්ට්, යානා හතරක් රුමේනියාවේ සිචාවා සහ යානා දෙකක් පෝලන්තයේ රෙෂොෆ් නගරවලින් ඉන්දියානුවන් රැගෙන පිටත් වී තිබේ.
ඔපරේෂන් ගංගා වැඩසටහන ආරම්භ කෙරුණු පෙබරවාරි 26 වැනිදා සිට මේ දක්වා ඉන්දීය ගුවන් හමුදාවට අයත් C17 යානා 7ක් ඇතුලු මුදා ගැනීමේ ගුවන් මෙහෙයුම් 43ක් ක්රියාත්මක කර ඇති අතර ඉන්දියානුවන් 9364 දෙනෙක් නිරුපද්රිතව සිය මව්බිම කරා පැමිණ ඇත.
ඔපරේෂන් ගංගා වැඩසටහන යටතේ ඉන්දීය රජය ගුවන් මෙහෙයුම් 80ක් ක්රියාත්මක කිරීමට නියමිතයි. රුමේනියාව, හංගේරියාව, ස්ලෝවැකියාව සහ පෝලන්තය යන රටවල සිට මෙම මෙහෙයුම් ක්රියාත්මක වෙමින් තිබේ.
කිසිදු බාධාවකින් තොරව ඉවත් කිරීමේ මෙහෙයුම් ක්රියාත්මක කිරීම සඳහා 20 දෙනෙකුට වැඩි අමාත්ය කමිටුවක් ඉන්දීය අග්රාමාත්ය නරේන්ද්ර මෝදි විසින් පත් කරනු ලැබ ඇත.
මුදා ගැනීමේ මෙහෙයුම් අධීක්ෂණය හා සම්බන්ධීකරණය සඳහා අග්රාමාත්ය නරේන්ද්ර මෝදි විසින් හංගේරියාව, රුමේනියාව, ස්ලෝවැකියාව සහ පෝලන්තය යන රටවලට ජෝතිරාදිත්ය සින්ඩියා, හර්දීප් සිං පූරි, කිරන් රිජිජු සහ වී.කේ. සිං යන අමාත්යවරුන් සිව්දෙනා පිටත් කර යවා ඇත.
ඔපරේෂන් ගංගා යටතේ හංගේරියාව, රුමේනියාව, ස්ලෝවැකියාව සහ පෝලන්තය යන රටවලින් පැමිණෙන ඉන්දියානුවන් දිල්ලි සහ මුම්බායි ගුවන් තොටුපළේදී සම්බන්ධීකරණයට තවත් අමාත්යවරු පිරිසක් පත් කර තබේ.
ගත වූ කාලය තුළ අග්රාමාත්ය නරේන්ද්ර මෝදි ඔපරේෂන් ගංගා සම්බන්ධයෙන් විදේශ කටයුතු අමාත්ය ආචාර්ය එස්. ජයිශංකර්, විදේශ ලේකම් හර්ෂ් ශ්රින්ග්ලා සහ ජාතික ආරක්ෂක උපදේශක අජිත් දොවොල් සමග ඉහළ පෙළේ සාකච්ඡා වට තුනක් පැවැත්වූයේය.
එයාර් ඉන්දියා, එයාර් ඉන්දියා එක්ස්ප්රස්, ඉන්ඩිගෝ, ස්පයිස් ජෙට්, විස්තාරා, ගෝ එයාර් යන වාණිජ ගුවන් සමාගම් සහ ඉන්දීය ගුවන් හමුදාවේ ගුවන් යානා ඔපරේෂන් ගංගා සමග එක්ව ඇත.
සැලසුම් කර ඇති ගුවන් ගමන් වාර 80 මගින් ආසන්න වශයෙන් අතරමං වූ ඉන්දියානුවන් 17,000ක් පමණ යුක්රේනයෙන් ආරක්ෂිතව ඉවත් කරගැනීමට නියමිතය.
