පසුගියදා යුක්රේනයේදී බේරාගත් ශ්රී ලාංකිකයින් හත්දෙනා නීතිවිරෝධී සංක්රමණිකයන් බවත් ඔවුන් නැවත ශ්රී ලංකාවට පැමිණීම ප්රතික්ෂේප කරමින් සිටින බවත් විදේශ මාත්යාංශයේ ජ්යෙෂ්ඨ නිලධාරියෙකු අනාවරණය කර තිබේ.
ඩේලි නිවුස් පුවත්පතට අනුව, විදේශ අමාත්යාංශයේ නිලධාරියා කියා ඇත්තේ ශ්රී ලාංකිකයින් හත් දෙනා සිසුන් නොවන බවය. ඔවුන් සියලු දෙනා යාපනය, කිලිනොච්චිය, උඩප්පුව, වවුනියාව සහ මන්නාරම ප්රදේශවල පදිංචි දෙමළ ජාතිකයන් බවත්ය.
මෙම පිරිස නීතිවිරෝධී ලෙස යුක්රේනයට ගොස් ඇත්තේ මිනිස් ජාවාරම්කාර නියෝජිතයකුගේ සහාය ඇතිව බව අනාවරණය වී ඇතැයි විදේශ අමාත්යාංශය වැඩිරටත් කියන්නේය.
වාර්තා වන පරිදි සිද්ධිය මෙසේය.
මිනිස් ජාවාරම් කාරයෙකුගේ මාර්ගයෙන් යුරෝපයට ඇතුළුවීමේ අභිලාෂය සහතිව මෙම පුද්ගලයින් කණ්ඩායම යුක්රේනයට ගෙනැවිත් තිබේ. එතෙක් ඔවුන් කර්මාන්ත ශාලාවක වැඩ සඳහා යොදවා ඇත.
ඔවුන් ස්ථානගත කර තිබූ මෙම ප්රදේශය රුසියානු දේශසීමාවට සහ පවතින ගැටුමට ඉතා ආසන්න ප්රදේශයකි. මේ ස්ථානය වෙත අදාල ශ්රී ලාංකිකයින්ව යොමුකළ පුද්ගලයා ඔවුන් වෙත කිසිම සන්නිවේදන උපකරණයක් ලබා දී නැත. ඔවුන්ගේ විදේශ ගමන් බලපත්රත් අදාල තැනැත්තා සන්තකයේ තබා ගෙන ඇත. ඔවුන් නිලධාරීන්ට පවසා ඇත්තේ තමන්ගේ විදේශ ගමන් බලපත්රය තමන් දුටුවේ ශ්රී ලංකා ගුවන් තොටුපළේදී පමණක් බවය.
ඉන්පසුව යුද්ධය ආරම්භ වී ඇත. සන්නිවේදන පහසුකමක් ලබා ගත හැකි ක්රමයක් නොමැති වීමෙන් ඔවුන්ට සිය පවුල් සමඟ හෝ තානාපති කාර්යාලය සමඟ සන්නිවේදනය කිරීමට හැකියාවක් තිබී නැත. මෙසේ සිරවී සිටි මෙම ශ්රී ලාංකිකයින් යුද්ධය අරතතුර පැන යන්නට උත්සාහ කරද්දී රුසියානු හමුදාව අතට පත් වී ඇත.
මේ සම්බන්ධව කරුණු දක්වමින් විදේශ අමාත්යාංශය පවසා ඇත්තේ ඔවුන් කර්මාන්ත ශාලාවේ රැඳී සිටීමට හේතුව එය බවය.“
“රුසියානුවන් මාර්තු මාසයේ සිට ඔවුන්ට රැකවරණය ලබා දි තිබුණා. යුක්රේන හමුදා විසින් ඔවුන්ව සොයා ගැනීමෙන් පසු ගැටුම්වලින් තොර ප්රදේශයක නේවාසිකාගාරයක නවාතැන් ලබා දී තිබෙනවා. ඔවුන් යුක්රේනයට පැමිණි ආකාරය සහ රුසියානුවන් සමඟ සිටියදී සිදුවූයේ කුමක්ද යන්න පිළිබඳව පරීක්ෂණ කිහිපයක් සිදුවෙමින් තිබෙනවා.“
කෙසේ වෙතත් ඔවුන් නීති විරෝධී සංක්රමණිකයින්. ඔවුන් නැවත මේ රටට ඒමට කැමති නෑ. එය ඔවුන් ප්රතික්ෂේප කරනවා. අභ්යන්තර පරීක්ෂණ අවසන් වූ පසු ඔවුන්ට නැවත ශ්රී ලංකාවට පැමිණීමට යුක්රේන රජය පහසුකම් සපයනු ඇති. යුක්රේනයේ කොන්සල් ජනරාල් කාර්යාලය අද (20) මේ පිරිස හමුවීමට නියමිතයි.“ විදේශ අමාත්යාංශ ප්රකාශකයෙක් මාධ්යයට පැවසුවේය.
