කීර්ති ප්රනාන්දු –
අද (30) මධ්යම රාත්රියේ සිටි ඉන්ධන ප්රවාහන පෞද්ගලික ටැංකි රථ හිමියන් ඉන්ධන ප්රවාහනයෙන් ඉවත් වී වර්ජනයක් ආරම්භ කිරීමට නියමිතය.
ඉන්ධන ප්රවාහන ටැංකිරථ හිමියන්ගේ සංගමයේ සම ලේකම් ශාන්ත සිල්වා පවසන්නේ සියයට 60ක ප්රවාහන ගාස්තුවල වැඩිවීමක් අපේක්ෂාවෙන් ඊයේ රාත්රියේ බලශක්ති ඇමතිවරයා සමග කළ සාකච්ඡාව අසාර්ථක වීමත් සමග අකමැත්තෙන් වුව ද මෙම තීරණය ගන්නට වූ බවය.
ඒ අනුව දිවයින පුරා ඉන්ධන බෙදා හරිනා පුද්ගලික ටැංකි රථ හිමියන්ගේ රථ 600කට වැඩි ප්රමාණයක් අද මධ්යම රාත්රියේ සිට ඉන්ධන ප්රවාහනයෙන් මුලුමනින්ම ඉවත්වෙමින් වර්ජනය දියත් කරන බව ඔහු පැවසුවේය.
තමන් සියයට හැටක ගාස්තු වැඩිවීම අපේක්ෂා කළේ ඉන්ධන ප්රවාහන රක්ෂණය, අමතර කොටස්, සියයට 150කින් ඉහළ ගොස් ඇති පසුබිමක උද්ධමනයත් දරාගත නොහැකි තත්වයක් තුළ බව ඉන්ධන ප්රවාහන ටැංකිරථ හිමියන්ගේ සංගමය කීවේය .
මේ සම්බන්ධව කළ සාකච්ඡාවේ දී අමාත්යවරයා සාධනීය ලෙස මේ ප්රශ්නයට මැදිහත් නොවීමට ප්රතිචාර ලෙස මෙම වර්ජනය ක්රියාත්මක කරන බවත්, ඉල්ලීම ලැබෙන තුරු ඉන්ධන ප්රවාහනයෙන් ඉවත් වන බවත් සම ලේකම් ශාන්ත සිල්වා වැඩිදුරටත් කීවේය.
