ලලිත් චාමින්ද –
දකුණු පළාත් සෞඛ්ය සේවා දෙපාර්තමේන්තුවට අයත්ව තිබී, ධාවනයට නුසුදුසු බැවින් යකඩ සදහා විකුණන දල මිටුසුබිෂි ජිප් රථය සහ ටොයෝටා ලැන්ඩ් කෘෂර් රථය සඳහා වසර 16ක පමණ කාලයක සිට පුද්ගලික නම්වලින් ආදායම් බලපත්ර ලබාගෙන ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
මෙම රථ දෙක 2008 වර්ෂයේ අගෝස්තු මස 28 වැනි දින ධාවනයට නුසුදුසු බැවින් යකඩ සදහා විකුණා තිබුණි. එහෙත් 2009 වර්ෂයේ සිට 2024 වර්ෂය දක්වාම පුද්ගලික නම්වලින් මෙම වාහන දෙක සඳහා ආදායම් බලපත්ර ලබාගෙන තිබුණි.
මෙම සිද්ධියට අදාළ වගකිවයුතු නිලධාරින් හඳුනාගෙන රජයට වී ඇති අලාභය අයකර ගැනීමට කටයුතු කළයුතු බවට විගණනය මගින් නිර්දේශකොට ඇත.
මේ පිළිබද දකුණු පළාත් සභාවේ ප්රධාන ගණන්දිමේ නිලධාරිවරයා විගණනයට සදහන්කොට ඇත්තේ මේ සම්බන්ධයෙන් තවදුරටත් කරුණු සොයා බලා විගණනයට වාර්තා කරණ බවය.
දකුණු පළාත් සභාව සම්බන්දයෙන් 2023 වර්ෂයට අදාළව නිකුත්කොට ඇති විගණන වාර්තාවේ මෙම තොරතුරු ඇතුළත්ව ඇත.
