මනම්පිටිය නිමල් ජයරත්න –
මොරගහකන්ද ජලාශයේ සිඳී ඇති ප්රදේශයේ තිබී ටී 56 උණ්ඩ ඇතුළු පතුරම් වර්ග විශාල ප්රමාණයක් 12 වෙනිදා සිදුකළ මෙහෙයුමකදී නාවුල පොලිසිය සොයා ගත්තේය.
මොරගහකන්ද ජලාශයේ ධීවර කටයුතුවල නිරතව සිටි ධීවරයෙකුගෙන් ලද තොරතුරක් අනුව මේවා සොයාගැනීමට හැකි වූ බව පොලිසිය පැවසුවේය.
ටි 56 වර්ගයේ උණ්ඩ 448 ක් 11 වෙනිදා සවස සොයාගැනීමට හැකිව තිබිණි. අද නාවුල පොලිසිය වැඩිදුර සිදුකළ මෙහෙයුමකදී තවත් උණ්ඩ 715 සොයාගැනීමට ගත් බව පොලිසිය පැවසුවේය.
සොයාගත් උණ්ඩ අතර ටී 56 උණ්ඩ 575 ක්, GPMG අවි සඳහා භාවිතා කරන උණ්ඩ 134 ක්, 84 S අවි සඳහා භාවිතා කරන උණ්ඩ 04 ක්, ගුවන් යානා නාශක අවි සඳහා යොදන උණ්ඩ 02 ක් සොයා ගැනීමට හැකිවූ බවද නාඋල පොලිසිය කීවේය.
මෙම සිද්ධිය සම්බන්ධයෙන් මෙතෙක් සිදුකල විමර්ශනයේදී අදාල පතුරොම් කවුරුත් විසින් කුමණ දිනයක ගෙනවිත් දැමුවේද යන්න පිලිබඳව මෙතෙක් අනාවරණය නොමැති බවද පොලිසිය කීවේ ය. මෙම පතුරොම් උරයක දමා ජලාශයේ ගැඹුරු ප්රදේශයට දමා ඇති අතර මේ වනවිට ජලය අඩු බැවින් එම පතොරම් මතුව තිබියදී ධීවරයන් දැක පොලිස් ස්ථානය දැනුවත් කර ඇත. මේ තිබෙන්නේ සොයා ගත් පතොරොම් තොගය ය.
