කීර්ති ප්රනාන්දු –
රටේ නිතියේ විධානය නොසලකා හරිමින් කටයුතු කරන, ආකර්ශනිය දේ දෙමින්, උදව් උපකාර සහ බොරු පොරොන්දු ලබා දෙමින් මැතිවරණ නීති උල්ලංඝණය කරන්නන් අවංකව සහ සාධාරණව රටක් පාලනය කරනු ඇතැයි විශ්වාස කළ නොහැකි බැවින් එවැනි ලාභ වරදාන සහ වරප්රසාදවලට නාරැවටෙන ලෙසත්, රටේ ප්රධාන ආගම් හතරේ සාරධර්ම මත පදනම් වූ ප්රජාතන්ත්රවාදී සහ සදාචාරාත්මක ප්රතිපත්ති අනුව ජනතාවගේ සංස්කෘතික ආචාරධර්මවලට ගරු කරමින් රට පාලනය කරන නායකයෙක් තෝරා ගැනීමට ස්වකී වටිනා ඡන්දය පාවිච්චි කරන ලෙසත් ශ්රී ලංකා කතෝලික රදගුරු සමුළුව නිවේදනයක් නිකුත් කරමින් ජනතාවගෙන් ඉල්ලා සිටී.
බලයේ සිටින වුන් අධිකරණයේ ස්වාධිනත්වයට බලපෑම් කිරීමට උත්සාහ දරන ආකාරය දකින බව ද, දූෂිත පුද්ගලයින් ආරක්ෂා කරන දූෂිතයින් ට අනුබල දෙන දේශපාලන සංස්කෘතිය වෙනස් කිරීමට වටිනා ඡන්දය බුද්ධිමත්ව පාවිච්චි කිරීම වැදගත් බවත් කතෝලික රදගුරු සමුළුව එම නිවේදනයෙන් අවධාරණය කරයි
රටේ සම්පත් කොල්ලකෑම්, දේශපාලන අරමුණු පෙරදැරිව කරන ලද පැහැර ගැනීම්, පුද්ගල අතුරුදහන් කිරීම්, සහ ඝාතන, උතුරේ සහ නැගෙනහිර දිග් ගැස්සුන යුද්ධයේ දී දකුණේ ඇතිවු ජනතා නොසන්සුන්තාව අවස්ථාවේ දී සිදුකරන ලද අපරාධ සහ 2019 පාස්කු ඉරිදින ප්රහාරයේ බිහිසුණු අනර්ථකාරී ජන සංහාරය ආදිය සම්බන්ධව නිවැරදි තක්සේරුවකින් අනතුරුව පුරවැසියා යුක්තිය ඉටුවනු දැකීමේ අභිලාෂයෙන් යුක්ත බව කියා පෑමට ඡන්ද දායකයා සිය ඡන්දදය භාවිතා කළ යුතු බවට රදගුරු සමුළුව යෝජනා කරයි.
එමෙන්ම ජනතා සුබ සිද්ධිය සහ රටේ සංවර්ධනය වෙනුවට තම ආත්මාර්ථකාමී අවශ්යතා සහ න්යායපත්ර වෙනුවෙන් බලතල සහ බලාධිකාරී තනතුරු සදහා තන්හාවෙන් කටයුතු කිරීමට මිනිසුන් පොළඹවන දේශපාලන සංස්කෘතිය වෙනස් කිරීමේ අවශ්යතාවය රදගුරු සමුළුව එම නිවේදනයෙන් අවධාරණය කරයි.
එම සම්පූර්ණ නිවේදනය පහත දැක්වේ.
