විදුලි බල මණ්ඩලයේ ආදායම් සහ වියදම් තුලනය කිරීම සඳහා විදුලි බිල වැඩි කරන ලෙස ජත්යන්තර මූල්ය අරමුදල පැවසුවද ඒ පරිදි විදුලි බිල වැඩි කිරීමෙන් ඉදිරියේ දී රටේ විදුලි බල මණ්ඩලය හා විදුලි බල අමාත්යාංශය හැර වෙනත් කිසිදු අමාත්යාංශයක් ඉතිරි නොවනු ඇතැයි ආයෝජන ප්රවර්ධන රාජ්ය අමාත්ය දිළුම් අමුණුගම පවසයි.
මේ පවතින තත්ත්වය තුළ නව ආයෝජකයින් ගෙන ඒම තබා පැමිණ සිටින ආයෝජකයින් රඳවා ගැනීමත් ගැටලුවක් යැයි ද ඇමැතිවරයා පැවසුවේය.
ඇමතිවරයා මේ බව පැවසුවේ ඊයේ (24) මහනුවර පැවති මාධ්ය හමුවක් අමතමිනි.
ඒ අවස්ථාවේ රාජ්ය ඇමතිවරයා පෙන්වා දුන්නේ පොහොට්ටුවේ ප්රධානින් මතු කරන චෝදනාව අනුව පොහොටොට්ටුවේ ඇමතිකම් කප්පාදුවක් සිදු වී ඇතැයි තමන් විශ්වාස නොකරන බවය.
ඔහු පෙන්වා දුන්නේ ඇමති ධූර අඩු කිරීම සඳහා එකම විෂය පථයට අදාල විෂයයන් එක් ඇමතිවරයෙක් වෙත ලබාදීම විනා කිසිම අමාත්ය ධූරයක් වැඩිවුනේ නැති බවය. මහින්ද අමරවීරට කර්මාන්ත අමාත්ය ධූරය ලැබුනෙත්, කෙහෙළිය රඹුක්වැල්ලට පරිසර අමාත්ය ධූරය ලැබුනේත්, රමේෂ් පතිරණට සෞඛ්ය අමාත්ය ධූරය ලැබුනේත් කැබිනට් සංශෝධනයක් තුල විෂය පථය තාර්කිකව වෙනස් කිරීමෙන් බව ඔහු කිවේය.
රාජ්ය ඇමතිවරයා වැඩිදුරටත් ප්රකාශ කළේ පොහොට්ටුවට යම් අසාධාරණයක් වී ඇතිනම් මුලින් එළියට බහින්නේ තමන් බවත් තමන්ට දැනෙන ලෙස එවැනි අසාධාරණයක් සිදුවී නැති බවත්ය.
මෙතෙක් කල් ක්රියාත්මක වූ ඇමැති ධූර හැකි තරම් ලබා දී සියලු දෙනා සතුටු කිරීමේ ක්රමවේදයෙන් බැහැරව ජනාධිපතිවරයා කටයුතු කිරීම ඉතා වැදගත් බව ද රාජ්ය ඇමතිවරයා කීවේය.
