මෙරට සංස්කෘතිය සහ ආගම දහම ආරක්ෂා කිරීමේ වගකීමක් තරුණ දේශපාලනඥයෙකු ලෙස තමන්ට ඇති බවත් තමන් ඒ වගකීම දැරීමට සූදානම් බවත් ශ්රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂ පවසයි.
තම පක්ෂයේ නායක හිටපු ජනාධිපති මහින්ද රාජපක්ෂ අනුගමනය කළ ආගම දහමට සංස්කෘතියට මුල් තැන දීමේ ක්රියාපිළිවෙල තමන්ගේ දැක්මේ හරය බවත් එම පිළවෙතේ ස්ථාවරව රැඳෙන බවත් නාමල් රාජපක්ෂ සහතික කර ප්රකාශ කළේය.
ඔහු පෙන්වා දෙන්නේ දේශපාලන නායකයෙකුට තිබිය යුතු නූතන ලෝකය පිළිබඳවවූ සංවේදනාවන් සහ චින්න ප්රවේශය තරුණයෙක් ලෙස තමන්ට ඇති බවත් ඉදිරියේ දී රට තුළ නිර්මාණය විය යුතු තාක්ෂණික ලෝකය බිහි කිරීමේ නිර්මාණාත්මක දැක්ම නායකයෙක් ලෙස තමන් තුළ ඇති බවත්ය.
පොදු පෙරමුණේ ජනාධිපති අපේක්ෂක නාමල් රාජපක්ෂ මේ බව පවසන්නේ පසුගිය දා මහනුවරට පැමිණ දළදා මාළිගාව වැඳ පුදා ගැනීමෙන් අනතුරුව මාධ්ය අමතමිනි.
නාමල් රාජපක්ෂ මල්වතු මහා නායක ස්වාමීන්වහන්සේ, දිවුල් කුඹුරේ නායක ස්වාමීන්වහන්සේ, නියංගොඩ අනුනායක ස්වාමීන්වහන්සේ සහ අස්ගිරි මහනායක හිමිපාණන් වහන්සේ එදින බැහැ දුටුවේය. ඒ අවස්ථාවට හිටපු ජනාධිපති මහින්ද රාජපක්ෂ ද එක් වී සිටියේය.
ඉන්පසුව ශාන්ත අන්තෝනි දේවස්ථානයටත්, කටුකැලේ හින්දු කොවිලටත්, කටුකැලේ ජුම්මා මුස්ලිම් පල්ලියටත් ආශීර්වාද ලබා ගත්තේය.
