ශ්රියානි විජේසිංහ –
මෙරටට අවශ්ය ඖෂධ මෙරට නිෂ්පාදනය කළ යුතු බවත් ඒ සදහා අවශ්ය සහය රජයක් ලෙස නොඅඩුව ලබා දීමට කටයුතු කරන බවත් සෞඛ්ය ඇමති වෛද්ය රමේෂ් පතිරණ මහතා සඳහන් කරයි.
ඖෂධ නිෂ්පාදනය කිරීමේදී පියවරෙන් පියවර විධිමත්ව කිරිමට ඉතාමත් වැදගත් බැවින් මෙය විනිවිදභාවයකින් යුතුව සිදුවිය යුතු බවද ඇමතිවරයා පෙන්වාදේ.
මෙරට ඖෂධ අවශ්යතාවයෙන් රටතුල නිෂ්පාදනය කරනුයේ සියයට 20ක ප්රමාණයක් හෙවත් ඖෂධ වර්ග 208 ක් බවත් ඉතිරි සියල්ල වාර්ෂිකව ඩොලර් මිලියන 700ක මුදලක් වැය කර විදේශයන්ගෙන් ගෙන ඒමට සිදුව ඇති බවද පැවසුවේය.
ඖෂධ කර්මාන්තය කෙරෙහි මෙන්ම සෞඛ්ය අමාත්යංශය සහ ඇමතිවරයා කෙරෙහි මෙරට ජනතාව තුළ ඇත්තේ යහපත් ප්රතිරූපයක් නොවන බවත් තමාට අවශ්ය වන්නේ එම ප්රතිරූපය යහපත් එකක් බවට පත් කර ගැනීම බවත් ඇමතිවරයා ඖෂධ කර්මාන්තකරුවන් සමග අමාත්යංශය තුළ පැවති සාකච්ඡාවේදී සඳහන් කළේය.
