ශ්රියානි විජේසිංහ –
මෙරටට ඖෂධ සැපයූ සමාගම් සඳහා රුපියල් බිලියන 23ක මුදලක් ගෙවීමට ඇති බවත්, එම ණය මුදල පියවා ගැනීමට මේ මොහොතේ හැකියාවක් නොමැති බවත් සෞඛ්ය අමාත්යංශය ආරංචි මාර්ග සඳහන් කරයි.
එම ණය මුදල පියවනතෙක් ඖෂධ සැපයීම අදාළ සමාගම් මුළුමනින්ම නතර කර ඇතැයිද මේ හේතුවෙන් රෝහල්වල ඖෂධ හිඟය පියවා ගැනීමට අසීරූ වී ඇතැයි එම ආරංචි මාර්ග හෙළි කරයි.
ඉන්දීය ණය යෝජනාක්රමය යටතේ මෙරටට ගෙනඒමට සූදානම් කර තිබූ ඖෂධ තොගයද ගෙනඒමට නොහැකි වුවහොත් රෝගීසත්කාර සේවාවන් මුළුමනින්ම බිදවැටීම වැලකිය නොහැකි බව ලංකාසර කළ විමසුමකදී අමාත්යංශයේ ජ්යෙෂ්ඨ ප්රකාශකයෙකු පැවසුවේය.
කෙසේ නමුත් මේ වන විට නිර්වින්දන ඖෂධ රජයේ වෛද්ය සැපයුම් අංශයේ ශුන්ය වී ඇති බව විශේෂඥ වෛද්යවරුන් හෙළිකිරීමත් සමග හදිසි නොවන හා අත්යවශ්ය නොවන සැත්කම් පවා නතර කිරීමට පියරව ගන්නා ලෙස සෞඛ්ය ඇමතිවරයා සදහන් කළ බව මාධ්ය වාර්තා කළේය.
