කුලියාපිටිය මහෙස්ත්රාත් සහ අතිරේක දිසා විනිසුරු අමිල සම්පත් ආරියසේන ගේ මෝටර් රථය කොල්ලකෑ සැකකරු වත්තල ප්රදේශයේ දි පොලීසිය විසින් අත්අඩංගුවට ගෙන ඇති බව පොලිස් මාධ්ය ප්රකාශක නිහාල් තල්දූව පැවසුවේය.
මෙලෙස අත්අඩංගුවට ගෙන ඇත්තේ 27 හැවිරිදි වියේ පසුවන තරුණයෙකි.
මෝටර් රථය කොල්ලකෑ සැකකරු විසින් පෙරේදා (12) එම මහෙස්ත්රාත්වරයාට දුරකථන ඇමතුමක් ලබාදී මෝටර් රථයේ තිබූ ලිපි ලේඛන ලබාදීමට නම් රුපියල් ලක්ෂ පහක මුදලක් තමාට ලබාදෙන ලෙස දන්වා තිබිණි.
කුලියාපිටිය මහේස්ත්රාත් හා අතිරේක දිසා විනිසුරුවරයා සිය දෙමහල් නිවසේ බැල්කනියේ සිරකළ මෙම පුද්ගලයා මහේස්ත්රාත්වරයාගේ නිල මෝටර් රථය කොල්ලකා පළා ගොස් තිබිනි.
පිළියන්දල, මඩපාත, පින්නවල ප්රදේශයේ මහේස්ත්රාත්වරයාට අයත් දෙමහල් නිවෙසේදී පසුගිය 11 වැනිදා රාත්රීයේ මෙම කොල්ලය සිදුවිය.
දෙමහල් නිවස කුලියට දෙන බවට ප්රසිද්ධ වෙබ් අඩවියක පළ කර තිබූ දැන්වීමක් අනුව ගැනුම්කරුවෙකු සේ පැමිණි පුද්ගලයෙකු මෙම කොල්ලය සිදුකර තිබිනි. .
