හිටපු සෞඛ්ය අමාත්ය කෙහෙළිය රඹුක්වැල්ල ව්යාජ ඖෂධ හිඟයක් මවා පාමින් ඉදිරිපත් කළ කැබිනට් පත්රිකාවක් හරහා සමස්ථ කැබිනට් මණ්ඩලයම නොමග යවා කැබිනට් වගකීම සාහසික ලෙස විනාශ කළ ආකාරය අද (29) මාළිගාකන්ද මහේස්ත්රාත් අධිකරණයේ දී අනාවරණය වුනේය.
අද අධිකරණය හමුවේ ප්රමිතියෙන් තොර ප්රතිදේහ එන්නත් ගෙන්වීම පිළිබඳ නඩුව නැවත කැඳවූ අවස්ථාවේ දී නීතිපතිවරයා වෙනුවෙන් පෙනී සිටි නියොජ්ය සොලිසිටර් ජෙනරාල් ලක්මිණි ගිරිහාගම අධිකරණයට දැනුම් දුන්නේ ඖෂධ මිලදී ගැනීමට ඉඩ ලබා නොදෙන්නේ නම් සතියත් තුළ සෞඛ්ය පද්ධතිය බිඳ වැටෙනු ඇති බවට හිටපු සෞඛ්ය ඇමතිවරයා කැබිනට් මණ්ඩලයට අවධාරණය කර ඇති බවය.
පසුගිය කැබිනට් මණ්ඩලයේ සාමාජිකයින් මෙම කැබිනට් පත්රිකාවට එකඟවී ඇත්තේ ඇමතිවරයාගේ ඉහත අවධාරණය නිසා යැයි පොදුවේ ප්රකාශ වුන බව ද
නියෝජ්ය සොලිසිටර් ජනරාල්වරිය අධිකරණයට කීවාය.
බාල බෙහෙත් ජාවාරම සම්බන්ධව නිමල් සිරිපාල ද සිල්වා, ඩග්ලස් දේවානන්දා, බන්දුල ගුණවර්ධන, විජේදාස රාජපක්ෂ, හරීන් ප්රනාන්දු, රමේෂ් පතිරණ, ප්රසන්න රණතුංග, විදුර වික්රමනායක, කංචන විජේසේකර, නසීර් අහමඩ්, රොෂාන් රණසිංහ, නලීන් ප්රනාන්දු සහ ජගත් පුෂ්පකුමාර යන හිටපු අමාත්යවරුන්ගෙන් අපරාධ පරීක්ෂණ දෙපාර්තමේන්තුව මේ වනවිට ප්රකාශ සටහන් කරගෙන ඇත.
හිටපු ජනාධිපති රනිල් වික්රමසිංහ, හිටපු අගමැති දිනේෂ් ගුණවර්ධන, සුසිල් ප්රේමජයන්ත, ටිරාන් අලස්, මහින්ද අමරවීර යන හිටපු අමාත්යවරුන්ගෙන් ඉදිරියේ දී ප්රකාශ ලබා ගන්නා බවත් නියෝජ්ය සොලිසිටර් ජෙනරාල්වරිය අධිකරණයට දැනුම් දුන්නාය.
