-
ආන්දෝලනාත්මක කන්ටේනර් 323 නිදහස් කිරීමට අදාල සිද්ධියේ දී රජයේ කිසිම ඇමතිවරයෙක් ඊට වගකිව යුතු බවට කිසිම තැනක සඳහනක් නෑ… රජය සහතික කර කියයි…
ආන්දෝලනාත්මක කන්ටේනර් 323 නිදහස් කිරීමට අදාල සිද්ධියේ දී රජයේ කිසිම ඇමතිවරයෙක් ඊට වගකිව යුතු බවට කිසිම තැනක සඳහනක් නැති බවත් වරාය තදබයද අවස්ථාවලදී මින් පෙර අවස්ථා 14කදී රේගු අධ්යක්ෂ ජනරාල්වරයා විසින් පත් කරන ලද කමිටු හරහා කන්ටේනර් දහසකට වඩා නිදහස් කර ඇති බව කමිටු වාර්තාවෙන් හෙළිදරවු වන බවත් කැබිනට් මාධ්ය ප්රකාශක සෞඛ්ය හා ජනමාධ්ය ඇමති වෛද්ය නලින්ද ජයතිස්ස පැවසුවේය.
අද කැබිනට් මාධ්ය හමුවේ දී මතුවූ පැනයකට පිළිතුරු දෙමින් කැබිනට් මාධ්ය ප්රකාශකවරයා කීවේ කන්ටේනර් නිදහස් කිරීම සම්බන්ධ කථිකාව ඇති වූ වහාම ජනාධිපතිවරයා විසින් නියෝජ්ය භාණ්ඩාගාර ඒ.කේ සෙනවිතරත්නගේ ප්රධානත්වයෙන් පස් දෙනෙකුගෙන් යුතු කමිටුවක් පත් කළ බවය.
එම කමිටුවේ නිර්දේශය වන්නේ මේ ක්රියාවලිය නැවත සිදුනොවීම සඳහා සිද්ධිය සම්බන්ධව හඳුනාගැනීමට විගණනයක් සහ වෝහාරික විගණනයක් සිදුකර අවශ්ය ක්රියාමාර්ග ගන්නා ලෙස බව ද කැබිනට් මාධ්ය ප්රකාශකවරයා කීවේය.
එහිදී කැබිනට් මාධ්ය ප්රකාශකවරයා කීවේ මෙවැන්නකි.
” බහාලුම් නිදහස් කිරීම සම්බන්ධව ඇමතිවරු නියෝග සහ උපදෙස් ලබා දුන් බවට කිසිම තැනක සඳහනක් නෑ… සාමාන්යයෙන් රේගුවේ බහාලුම් නිදහස් කිරීමේ ක්රමවේදය ඔබ දන්නවා ඇති කියලා හිතනවා. රතු ලේබලය සහිත කන්ටේනර්වලට නිර්දේශ වී තිබෙන්නේ භෞතිකව සහ සාමාන්ය ස්කෑන් පරීක්ෂාවට ලක් කිරීම. කහ ලේබලය තිබෙන්නේ ස්කෑන් පරීක්ෂාව ලක් කිරීම හා සාම්පල පරීක්ෂා කිරීම. කොළ ලේබලය යටතේ පුලුවන් ඒ අයගේ විශ්වාසය මත ලිපි ලේඛන පරීක්ෂා කරලා ස්කෑන් කිරීමකට හෝ භෞතික පරීක්ෂාවකට ලක් නොකර නිදහස් කිරීමට.
සාමාන්යයෙන් අපේ රටේ වර්ෂයේ අවසානයේ අලුත් අවුරුදු කාලේ රේගුවේ මෙහෙම බහාලුම් සම්බන්ධව තදබදයක් එනවා. ඒ වෙලාවෙදි බහාලුම් සම්බන්ධව රේගු අධ්යක්ෂ ජනරාල්වරයා විසින් මෙම ලේබල් සහිත කන්ටේනර් නිදහස් කිරීමට කමිටුවක් පත් කරනවා. ඒ කමිටුවේ නිර්දේශ මත නිදහස් කිරීම සම්බන්ධව තීන්දු කරනවා.
ඒ අනුව නිදහස් කරන ලද කන්ටේනර් සම්බන්ධව යම් යම් තැන්වල වාර්තා නිකුත් වෙන්න ගත්තට පස්සේ වෘත්තීය සමිති යම් දෙයක් කියන්න ගත්තට පස්සේ ජනාධිපතිවරයා විසින් මුදල් ඇමතිවරයා ලෙස ජනවාරි 30 වැනිදා නිලධාරීන් 5 දෙනෙකුගෙන් යුතු කමිටුවක් පත් කළා මේ ගැන හොයලා බලන්න… ඒ නියෝජ්ය භාණ්ඩාගාර ඒ.කේ සෙනවිතරත්න මහත්මයා කමිටුවෙ සභාපති කරලා.
ඒ කමිටුව විසින් යම් යම් නිර්දේශ ප්රමාණයක් ලබා දීලා තියනවා. මේ කමිටුවට කියන්න බෑ මේ කන්ටේනර් නිදහස් කිරීම සම්බන්ධව ජාතික ආරක්ෂාවට කොතරම් තර්ජනයක් වෙලා තියනව ද හරි, සෞඛ්යයට මොනතරම් තර්ජනයක් වෙලා තියනවද කියලා හරි කොතරම් මූල්ය පාඩුවක් වෙලා තියනව ද කියල හරි කියලා. ඒක නිශ්චිතව කියන්න බෑ.
ඒ අය සඳහන් කරනවා රේගුවේ අධ්යක්ෂ ජනරාල්වරයා විසින් පත් කරන ලද කමිටුව විසින් ලබා දෙනු ලැබූ නිර්දේශ මත මීට කලින් අවස්ථා 14කදි කන්ටේනර් දහසකට ආසන්න ප්රමාණයක් නිදහස් කරලා තියනවා කියලා.
ඒ අනුව මේ කමිටුව නිර්දේශ කරලා තියෙන්නේ මෙවැනි ආකාරයෙන් ජාතික ආරක්ෂාවට හෝ රජයට මූල්යමය පාඩුවක් සිදුවුනා ද යන්න පිළිබඳව යම් විගණනයක් කළ යුතුයි කියලා. ඒ වගේම ඉදිරියේ දි මෙවැනි ක්රියා වළක්වා ගන්නත් නිර්දේශ ඉදිරිපත් කරන්න කියලා ඒ අය කියලා තියනවා.
අනෙක් පැත්තෙන් මෙයට යම් කිසි නිලධාරියෙක් ජාතික ආරක්ෂාවට හෝ රජයට මූල්යමය පාඩුවක් සිදුකර තිබෙනවා නම් විගණනයකින් හෝ වෝහාරික විගණනයකින් මේ අයට දඬුවම් කළ යුතුයි කියලා තමයි මේ කමිටුව විසින් කියලා තියෙන්නේ.
මේ කමිටු වාර්තාව අධ්යයනය කරමින් ගත හැකි ක්රියාමාර්ග ගැන අපි සොයා බලමින් ඉන්නවා. බහාලුම් තදබදයක් ඇතිවුනාම ගත හැකි ක්රිියාමාර්ග මොනවද කියන එක සම්බන්ධයෙන් අපේ රටේ ක්රමවේදයක් තිබුණෙ නෑ. ඒකට විකල්ප මොනව ද?. කියන එකයි අපි සොයා බලන්නේ.
