දිනසේන රතුගමගේ –
මන්නාරම දූපත් ආශ්රිතව ඛණිජ වැලි හෑරීමේ කටයුතු මේ වසරේ මාර්තු මාසයේ සිට ආරම්භ කිරීමට ඕස්ට්රෙලියාවේ ටයිටේනියම් සෑන්ඩ්ස් ( Titanium Sands ) නැමති සමාගම බලාපොරොත්තු වෙයි.
එම සමාගමේ සැලසුම් වලට අනුව ප්රථම අදියරය යටතේ මන්නාරම් දූපතේ වර්ග මීටර් 3600 ක් තුළ ඛණිජ වැලි ලබා ගැනීමේ වළවල් 300 ක් හැරීමට අපේක්ෂිතය.
2015 වසරේ දෙසැම්බර් මාසයේදී දියත් කරන ලද එම වැඩ සටහනට විරෝධතා මතුවීමත් ඒ සම්බන්ධයෙන් පිරිසක් අධිකරණයට යාමත් නිසා 2020 වසර දක්වා මන්නාරම් දූපතේ ඛණිජ වැලි කැණීමේ කටයුතු නවතා දැමීමට අදාල ඕස්ට්රෙලියානු සමාගමට සිදු වුණි.
ගත වූ කාලයේදී එම ප්රදේශයේ සිදු කරණ ලද ශඛ්යතා අධ්යයනයකින් හා පරිසර ගවේෂණයකින් පසුව යළිත් එම සමාගමට මන්නාරම් දූපතේ ඛණිජ වැලි හෑරීම සඳහා අවසර ලැබී තිබේ.
ටයිටේනියම් සෑන්ඩ්ස් සමාගමේ මූලික දත්තවලට අනුව ඔවුන් විසින් ඛනිජ වැලි හෑරීමට බලාපොරොත්තු වන වර්ග මීටර් 3600 ක භූමි ප්රදේශය තුළ ඛනිජ වැලි මෙට්රික් ටොන් මිලියන 53 ක් ඇති බවට ඇස්තමේන්තු කොට ඇත.
එම භූමි ප්රමාණයෙන් එම සමාගම විසින් ඉල්මනයිට්, ලියුකොක්සීන්, සර්කෝනියම්, රූටයිල්, ටයිටේනියම් ඔක්සයිඩ්, ග්රැනයිට්, සහ සිලිමනයිට් යන ඛනිජ වර්ග ලබා ගැනිමට අපේක්ෂා කරයි.
