දළදා පෙරහර ආලෝකවත් කිරීම සඳහා විදුලිබල මණ්ඩලය දරන පිරිවැය සම්බන්ධව සෑම වසරකම ඇස්තමේන්තුවක් එවන නමුත් එම පිරිවැය විදුලි බල මණ්ඩලය විසින්ම දරන බවත් විදුලි බල මණ්ඩලය ප්රතිව්යුගත කිරීමේ වැඩපිළිවෙළ යටතේ මෙවර ඉන් යම් කොටසක් ශ්රී දළදා මාලිගාව සහ සතර මහා දේවාල මගින් දැරිය යුතු බවට යෝජනා වී තිබෙන බවත් ශ්රී දළදා මාළිගාවේ දියවඩන නිලමේ ප්රදීප් නිලංග දෑල පවසයි.
මේ ආකාරයෙන්ම පසුගිය වසරේදී ද රුපියල් ලක්ෂ 90 ක ඇස්තමේන්තුවක් විදුලිබල මණ්ඩලය විසින් ලබාදුන් බව කියන දියවඩන නිලමේ වරයා එව මෙතෙක් අඛණ්ඩව විදුලිබල මණ්ඩලය විසින් දැරූ බව පෙන්වා දෙයි.
විදුලිබල මණ්ඩලය සමග සාකච්ඡා කර විසඳාගත හැකි මෙම ප්රශ්නයට ඇතැමුන් ජනමාධ්ය මගින් විසඳුම් සොයන්නට උත්සහ ගැනීම අනුමත කළ නොහැකි බව හෙතෙම අවධාරණය කළේය.
දියවඩන නිලමේවරයා කීවේ පෙරහර සමයේ දේවාල වලට අමතරව පොලීසිය, බස් නැවතුම් පොලවල්, පදික වේදිකා පවා අමතර විදුලි බල්බ යොදා ආලෝකවත් කරන බවය.
මේ තත්ත්වය තුළ දිස්ත්රික් ලේකම්තුමා, පෙරහර භාරය, පොලීසිය, ලංගම,ප්රවාහන අධිකාරිය,නගර සභාව ඇතුළු සියලු කණ්ඩායම් එකට එකතු වී සාකච්ඡා කර මෙම පිරිවැය අවම කර ගැනීම සම්බන්ධයෙන් ගතහැකි ක්රියාමාර්ග සාකච්ඡා කර එ් සම්බන්ධයෙන් විදුලි බල මණ්ඩලය සමග අවසන් නිගමනයටකට පැමිණීමට බලාපොරොත්තු වන බව දියවඩන නිලමේවරයා කීවේය.
