ශ්රියානි විජේසිංහ –
මාතර මහ රෝහලට ගුවන් මගින් ගෙන්වූ රුපියල් කෝටි 14 ක් වටිනා CT ස්කෑන් යන්ත්රය පිලිබඳ නිශ්කාෂණ කටයුතු සිදු නොකර දැනට මාස 2ක් තිස්සේ ගුවන් තොටුපලේ භාණ්ඩ බහාලුම් පර්යන්තයේ දමා ඇති බව රජයේ විකිරණ විද්යා තාක්ෂණවේදීන්ගේ සංගමයේ සභාපති චානක ධර්මවික්රම පවසයි.
එම යන්ත්රය පසුගිය දෙසැම්බර් 16 වෙනිදා ගුවන් මගින් කටුනායක ගුවන් තොටුපලට ගෙන්වීමෙන් පසු යන්ත්රය අඩංගු බහාලුම් නිදහස් කරගැනීමට සෞඛ්ය අමාත්යාංශය පියවර ගෙන නැති බවත් විශේෂිත ආර්ද්රතාවයක් සහ උෂ්ණත්ත්ව තත්ත්වයන් යටතේ ගබඩා කළ යුතු මෙම යන්ත්රයන්හි ගබඩා තත්ත්වය සම්බන්ධව කිසිම අදහසක් නැති බවත් සභාපතිවරයා පෙන්වා දෙයි.
ඔහු දන්වා සිටින්නේ මේ වනවිට එම සීටී ස්කෑන් යන්ත්රය වෙනුවෙන් ගුවන්තොටුපල ගුදම් ගාස්තු රුපියල් ලක්ෂ විස්සක් ඉක්මවා ඇති බවය.
පවතින තත්ත්ව යටතේ ඉදිරියේදී යන්ත්රයේ යහපත් ක්රියාකාරීත්වයට බලපෑම් සිදුවිමේ අවදානමක් ඇති බවද . රජයේ විකිරණ විද්යා තාක්ෂණවේදීන්ගේ සංගමයේ සභාපති චානක ධර්මවික්රම පෙන්වා දෙයි.
දැනට මාතර මහ රෝහලේ තිබෙන CT ස්කෑන් යන්ත්රය වසර 18 ක් පැරණි, දිගින් දිගටම බිඳවැටීම් සහිතව පවතින, සීමිත පරීක්ෂණ ප්රමාණයක් පමණක් සිදුකරන යන්ත්රයක් බැවින් කොළඹ ජාතික රෝහල් බාහිර රෝගී අංශයට ගැනීමට සූදානම් වූ යන්ත්රය මාතර රෝහලට යොමු කර තිබිණි.
මාතර දිස්ත්රික්කයටම ඇති එකම CT පරීක්ෂණ පහසුකම තිබෙන්නේ මාතර මහ රෝහලේ පමණි.
