සහල්වල පැවැති මිලට වඩා රුපියල් 10කින් මිල ඉහළ දමා විකිණීමට අවස්ථාව සලසා දී මහා පරිමාණ මෝල් හිමියන්ට දැවැන්ත ලාභයක් ලබා ගැනීමට රජය අවස්ථාව සලසා දුන්නා නම් මෙතැන් සිට හෝ නිශ්ඡිත යාන්ත්රණයක් ක්රියාත්මක කර වැටලීම් මාලාවක් දියත් කළ යුතු බවත්, එහි ප්රතිලාභය පාරිභෝගික ජනතාවට ලබා දිය යුතු බවත් සමස්ථ ලංකා සුළු හා මාධ්ය පරිමාණ වී මොල් හිමියන්ගේ සංගමයේ සභාපති යූ.කේ සේමසිංහ පවසයි.
මහා පරිමාණ සහල් මෝල් හිමියන් සමග සාකච්ඡා කර උපරිම සිල්ලර මිල වෙනස් කරමින් රජය විසින් නව සහල් මිල ගණන් ප්රකාශ කිරීමෙන් අනතුරුව ඒ සම්බන්ධව ප්රකාශයක් කරමින් සභාපතිවරයා මෙසේ ද පැවසුවේය.
“සහල්වල තිබුණු මිලට වඩා රුපියල් 10කින් ඉහළ දමලා විකුණන විදිහට එකඟතාවයකට ඇවිල්ලා තියෙනවා. අපේ රටේ සහල් සම්බන්ධයෙන් ගැසට් කරපු මිලක් තිබුණා. ඒ මිල තමයි කැකුළු සහල් කිලෝ එකක් 210යි, නාඩු කිලෝ එකක් 220යි, සම්බා කිලෝ එකක් රුපියල් 230යි සහ කීරි සම්බා 260ක් විදිහට තමයි තිබුණේ. නමුත් අද දවසේ සිට කීරි සම්බා හැර අනෙක් සහල් වර්ග 03 සඳහා රුපියල් 10ක වැඩිවීමක් නියම වෙලා තියෙනවා. ”
“මේක නෙමෙයි කරන්න තිබුණේ. නියාමනයට යටත්ව සහල් විකිණීම සම්බන්ධයෙන් වැටලීම කිරීම තමයි සිදුකළ යුතුව තිබුණේ. නමුත් මේ තීන්දුව දැන් අරගෙන තිබෙනවා. හැබැයි අපි විශ්වාස කරනවා ජනාධිපතිවරයා සහ රජය විසින් මේ ගත්තු තීරණයට අනුව, අද දවසේ සිට පාරිභෝගික අධිකාරිය හරහා සහල් වැටලීම් සිදුකරන්න ආරම්භ කරයි කියලා. එහෙම නොකළොත් මේ රටේ පාරිභෝගික ජනතාව දැවැන්ත අසාධාරණයකට ලක්වෙනවා. රුපියල් 10ක් සහල් වැඩිකරලා දීලා මහා පාරිමාණ වී මෝල් හිමියන්ට තවත් රුපියල් 10කින් ඔවුන්ගේ ලාභය වැඩිකරලා දුන්න අවස්ථාවකත් මෙය නොවිය යුතුයි. ඒ නිසා අනිවාර්යෙන් පාරිභෝගික අධිකාරිය විසින් ලංකාව පුරා සියලුම වෙළෙඳසැල් සහ වී මෝල වලට හිල්ලා ඒ වැටලීම් සිදුකරලා මේ සම්බන්ධයෙන් කටයුතු සිදුකළ යුතුයි.” -( අද දෙරණ)
