නාරාහේන්පිට නයින්වේල්ස් රෝහලේ දී පසුගිය මස 21 වෙනිදා උපත ලැබූ ලංකා ඉතිහාසයේ මුල්ම සය නිවුන් දරුවෝ මාසයකට ආසන්න කාලයක් ප්රතිකාර ලබා අද (20) රෝහලෙන් පිටව ගියහ.
ප්රසව සහ නාරිවේද විශේෂඥ වෛද්ය, මහාචාර්ය ටිරාන් ඩයස් සිදුකළ සිසේරියන් සැත්කමකින් මෙලොව එළිය දුටු මේ සය නිවුන් දරුවන්ගෙන් තිදෙනකු පිරිමි දරුවන් වන අතර අනෙක් තිදෙනා ගැහැනු දරුවෝ වූහ.
ළදරු දැඩි සත්කාර ඒකකයේ හිඳිමින් රෝහල් කාර්ය මණ්ඩලයේ මෙන්ම වෛද්ය වෘත්තිකයන්ගේ ද නොමද රැකවරණය ලැබූ මේ දරුපැටවු නිරෝගීමත්ව පිටව යන මොහොත සැමරීම සඳහා කෙටි උත්සවයක් සංවධානය වී තිබිණි.
මේ පැටවුන්ගේ අම්මා අයි.ඩී.එච් ප්රදේශයේ පදිංචි 31 හැවිරිදි දිලිනි වාසනාය. තාත්තා 35 හැවිරිදි ප්රභාත් උදයංගය.
මේ අම්මා සහ තාත්තා පැටව් දෙන්නා සමග ගෙදර ගියේ මහ මෙරක සතුටක් දරාගෙනය. ඔවුන්ට සුබ පතන්නන් අතර මුළු රටමය. අනුග්රාහකයන් ද එමටය. ඔවුන්ට සමු දීමට රටේ අග්රාමත්ය බිරිය ශිරන්ති රාජපක්ෂද එක් වී සිටියාය.
