මහජන උපයෝගීතා කොමිෂන් සභාවේ සභාපතිවරයා ලෙස මා කළ වැරදි සම්බන්ධයෙන් භාර දී තිබෙන චෝදනා පත්රයේ චෝදනා පහක් ඉදිරිපත් කර ඇති බවත් මෙම චෝදනාවලට පිළිතුරු දීමට ලබා දී තිබූ දින හතක කාලය අදින් අවසන් වන බවත් පවසන ජනක රත්නායක මහතා ඊට අදාළ පිළිතුර මුදල් අමාත්යවරයා වෙත යැවීමට කටයුතු කළ බව සඳහන් කළේය.
අද (28) සවස පැවැති මාධ්ය හමුවක දී මේ බව අනාවරණය කළ සභාපතිවරයා පැවසුයේ තමන්ට එල්ල කරන ලද චෝදනා අතුළත් චෝදනා පත්රය මුදල් සහ ආර්ථික ස්ථායිකරණ අමාත්යවරයා ලෙස ජනාධිපති රනිල් වික්රමසිංහ මහතා විසින් අත්සන් කරනු ලැබ ඇති බවයි.
එහිදී තවදුරටත් අදහස් දක්වමින් තමන්ට එරෙහිව නගා ඇති චෝදනා පිළිබඳව මෙසේ ඔහු අදහස් දැක්වීය.
මට විරුද්ධව පවතින පළමුවැනි චෝදනාව තමයි උසස් පෙළ සිසුන්ට විභාගය ලියන අවස්ථාවේ විදුලිය විසන්ධි කිරීම සම්බන්ධයෙන් අභියාචනාධිකරණයේ නඩුවක් ගොනු කිරීම, දෙවන චෝදනාව එම නඩුවට අදාළ ව සභාපතිවරයා ලෙස අත්තනෝමතිකව ක්රියා කරන බවට චෝදනා කර තිබෙනවා. ඇත්තටම එය මගෙ අත්තනෝමතික ක්රියාවක් නොවෙයි. සමස්ත කොමිෂන් සභාවම එක්ව ගත් ඒකමතික තීරණයක්. ඊට අදාල සාක්ෂි මා ළඟ පවතිනවා. තුන්වැනි චෝදනාව මට අයත් කොළඹ පිහිටි ට්රිලියම් හෝටලයේ විදුලිය විකුණනවා කියන එක.එය සම්පූර්ණ වැරදි චෝදනාවක්. එතන එවැනි විදුලිය විකිණීමක් වෙන්නේ නෑ, කාමර පමණයි විකුණන්නේ.
ඊළඟ චෝදනාව පෙබරවාරි 15 මාසයේ රජය ඉදිරිපත් කළ විදුලිය ගාස්තු සංශෝධනයට එරෙහිව ක්රියා කිරීම, පස්වැනි චෝදනාව පොඩ්ඩක් විහිලු සහගතයි. එය විදුලි බල සහ බලශක්ති අමාත්යවරයා ඉලක්ක කර ගනිමින් විවිධ ප්රකාශ කිරීම.
මෙම පාර්ලිමේන්තු බහුතර බලය 113කින් සම්මත කළ යුතුයි. ඒ වගකීම පාර්ලිමේන්තු නියෝජිතයන්ට පැවරෙනවා.
කොහොම වුණත් මම විදුලිය ගාස්තු වැඩි කිරීමකට විරුද්ධ වුණේ නෑ. නමුත් පසුගිය පෙබරවාරි මාසයේ ගාස්තු වැඩි කිරීමේ ක්රමවේදයට මම එකඟ වුණේ නෑ. එයින් මේ රටේ බහුතර විදුලිය පාරිභෝගිකයන්ට ලොකු අසාධාරණයක් වෙනවා. මහජන උපයෝගීතා කොමිසම ලෙස ඔවුන්ගේ අයිතිය වෙනුවෙන් පෙනී සිටිය යුතුයි. අනෙක රටේ විදුලිය ඉල්ලුම අඩුවෙන තත්ත්වයක් නිර්මාණය වෙලා. එයින් අපේ ව්යාපාරවලට සිදුව ඇති තත්ත්වය පේනවා. ඒ වගේම ඉල්ලුම් අඩු වුණාම විදුලිය බල මණ්ඩලයටත් ඉලක්කගත ආදායම නැතිව යනවා. මේ කුමවේදය නිසා සිදුවෙන්නේ රටත් රැජයත් විදුලි බල මණ්ඩලයත් පාරිභෝගිකයාත් අවුලකට පත්වීමයි. මෙයින් වාසිය සැලසෙන එකම පිරිස ඛනිජ තෙල් සහ ගල් අඟුරු මුදලාලිලා පමණයි. “ යනුවෙන් ඔහු ප්රකාශ කළේය.
