දිනසේන රතුගමගේ –
මන්නාරමේ සමුහ මිනී වළවල් දෙකකින් හමු වූ මිනිස් අස්ථි කොටස්වල සාම්පල් ඇමරිකාවේ ෆ්ලෝරීඩා විශ්ව විද්යාල රසායනාගාරය වෙත යවා කාබන් පරීක්ෂණයක් සිදු කිරීමට මන්නාරම අධිකරණය ඊයේ (16) අවසර ලබා දී තිබේ.
ඒ මන්නාරම සතොස වෙළද සැල අසලින් හා මන්නාරම තිරුකේතීස්වරන් ප්රදේශයෙන් හමු වු සමූහ මිනී වළවල් දෙකෙන් ගොඩ ගන්නා ලද මිනිස් අස්ථි කොටස් සම්බන්ධයෙන් වූ නඩු දෙක මන්නාරම අධිකරණයේදී විභාග වූ අවස්ථාවේදීය.
මෙම මිනිස් අස්ථි කොටස් වල ස්ත්රී පුරුෂභාවය කාල වකවානුව මියගිය ආකාරය වැනි කරුණු අනාවරණය කර ගැනීමට මන්නාරමේ හා ශ්රි ලංකාවේ ඇති පහසුකම් ප්රමාණවත් නොවන නිසා ඒවා ඇමරිකාවට යැවීමට නීතිඥයින් විසින් අධිකරණයෙන් කළ ඉල්ලීම සලකා බැලූ මහේස්ත්රාත්වරයා මෙම තීන්දුව ගෙන තිබුණි.
සමූහ මිනී වළවල් වලින් හමු වූ මිනිස් අස්ථි කොටස් සම්බන්ධයෙන් කාබන් -14 පරීක්ෂණය ඇතුලු තවත් පරීක්ෂණ කීපයක්ම සිදු කළ යුතුව ඇති නිසා අස්ථි සාම්පල කීපයක් පමණක් ඇමරිකවට යැවීමටද අධිකරණය තීන් දු කොට තිබේ.
මෙම සමූහ මිනී වළවල් දෙක සම්බන්ධයෙන් පූර්ණ වාර්තාවන් අධිකරණයට ඉදිරිපත් කිරීමට නිලධාරීන් තුන් දෙනෙකු පැමිණ නොසිටි නිසා නඩු විභාගය මේ මස 21 වෙනිදා දක්වා කල් දැමූ මහේස්ත්රාත්වරයා එදිනට සියලු දෙනාටම අධිකරණය හමුවේ පෙනී සිටින ලෙසද නියෝග කළේය.
