මනම්පිටිය නිමල් ජයරත්න –
පරිසර අමාත්යාංශය යටතේ පාලනය වන පූර්ණ රාජ්ය ආයතනයක්වන මනම්පිටිය භූ විද්යා හා පතල් කැණීම් කාර්යාංශයේ, තාක්ෂණ සේවා ආයතනයේ නිලධාරීන් විසින් එළිපිට අල්ලස් ගනිමින් සිදුකරන අපකිර්තිමත් හැසිරීම පිළිබඳ හඬ පට සාක්ෂි ද සහිතව එම ආයතනයේ තාක්ෂණ නිලධාරියෙක් විසින් ජනාධිපති අනුර කුමාර දිසානායක වෙත ලිඛිත පැමිණිල්ලක් සිදුකර තිබේ.
දිනකට ටිපර් හාරසියයක් පමණ වැලි ලබා ගැනීමට පැමිණෙන මනම්පිටිය තාක්ෂණ සේවා ආයතනයේ රුපියල් ලක්ෂ 100 ක පමණ වැලිවලින් ආදායමක් ලබන ආයතනයකි. ල
ප්රධාන පෙළේ නිලධාරීන් කිහිප දෙනෙකු මෙම වැලි ටිපර් රථවලින් හා සේවා දායකයින්ගෙන් අල්ලස් ලබාගන්නා ගනිමින් දුෂිත හැසිරීමක් එළිපිට ප්රකට කරන ආකාරය ඔහු සාක්ෂිද සහිව ඉදිරිපත් කර ඇත්තේ එම ලාභය බෙදා ගන්නා ආකාරය ද ඔවුන් විසින් සාකච්ඡා කරන අයුරු තහවුරු කරමිනි.
වැලි ටිපර් සඳහා ඉක්මනින් වැලි ලබාදීමට අල්ලස් ලබා ගැනීම, වැලි ලබාගන්නා ස්ථානයට ටිපර් රථ ගමන් කිරිමේදි අබලන් වන මාර්ගය සැකසීමට යොදවන බොරළු සැපයීම සඳහා ඉදිරිපත්වන කොන්ත්රාත්කරුවන්ට ටෙඩන්ඩර් ලබාදීමේ දි ගසාත් නිසි පිරිවිතරයන් මග හැරීමෙනුත් රුපියල් ලක්ෂ ගණනින් ගසා කෑම, සිදුවන නමුත් නිසි විගණයක් සිදු නොවන ආකාරය ද එම නිලධාරියා විසින් දන්වා ඇත.
මනම්පිටිය යක්කුරේ හන්දියේ සිට වැලි පටවා ගැනීම සඳහා කිලෝ මීටර් හතර හමාරක් දුරට මාර්ගය භාවිතා කරන අතර ආයතනය පැමිණීමෙන් පසු වසර පහළොවක් පුරාවට බොරලු පස්වලට වියදම් කරන ලද මුදලින් එම මාර්ගයේ අවස්ථා දෙකකදී කාපට් අතුරා සැකසීමට හැකියාව තිබු බවද, එලෙස තිබියදී වසරකට තුන් වරක් පමණ මෙම මාර්ගයට බොරළු යෙදූ බවට පවසා අවස්ථාවක් පමණක් බොරලු යොදා ඒ සඳහා ලිපි ලේඛන සකසා, වැටුපට අමතරව රුපියල් ලක්ෂ ගණන් අමතර ආදායමක් ආයතනයෙන් ලබා ගැනීම නිසා උසස් නිලධාරීන් කිහිපදෙනා රැකියාව අත්නොහැර සිටින බවද තාක්ෂණ නිලධාරියා සඳහන් කරයි.
අප මේ පිළිබඳව සමාගමේ උසස් නිලධාරීයෙකුගෙන් සිදුකළ විමසීමකදී ඔහු සඳහන් කළේ මීට පෙර එවැනි වංචා, දූෂණ, සිදුකළ අය ඉවත් කල බවත්, වර්තමානයේ ආයතනය තුළ කිසිදු වංචාවක් දුෂණයක් මෙන්ම මුදල් අක්රමිකතාවයක් සිදු නොවන බවත්ය.
