පාසලේ ගුරු අතිරික්තයක් තිබිය දී මහනුවර ඇතැම් ජනප්රිය පාසල් වල විදුහල්පතිවරු පළාත් අධ්යාපන අමාත්යාංශයට හා දෙපාර්තමේන්තුවට ගුරු හිඟයක් නොමැති බවට ව්යාජ තොරතුරු ලබාදෙන බව මහනුවර දිස්ත්රික් සම්බන්ධීකරණ කමිටුවේ දී අනාවරණය වී ඇත.
පාසල්වල සිටින ගුරුවරු හා සිසුන් ගණන සම්බන්ධව නිශ්චිත තොරතුරු මහනුවර දිස්ත්රික් කළාප අධ්යාපන කාර්යාල සතුව නොමැති බවට පළවන පුවත සත්යයක් දැයි විමසූ පාර්ලිමේන්තු මන්ත්රී ජගත් මනුවර්ණ මේ හේතුවෙන් පළාත් තුළ ගුරුමාරු ක්රියාවලිය විධිමත් ලෙස සිදු නොවන බවට පළවන තොරතුරු වල සැබෑ තත්ත්වය කුමක් දැය මෙහිදී අධ්යාපන බලධාරීන්ගෙන් විමසුවේය.
සම්බන්ධීකරණ කමිටු රැස්වීම කමිටුවේ සම සභාපතිවරුන් වන අමාත්ය කේ.ඩී ලාල්කාන්ත හා මධ්යම පළාත් ආණ්ඩුකාර මහාචාර්ය සරත් අභයකෝන්ගේ ප්රධානත්වයෙන් පසුගියදා මහනුවර දිස්ත්රික් ලේකම් කාර්යාලයේ දී පැවැත්විණි.
පාසල් වල සිටින ගුරුවරු හා ශිෂ්ය සංඛ්යාව සම්බන්ධව ඇතැම් විදුහල්පතිවරු ලබාදෙන තොරතුරු ව්යාජ බව මෙහි දී මධ්යම පළාත් අධ්යාපන ලේකම් මධුපානි පියසේන ද පිළිගත්තාය.
මෙලෙස ව්යාජ තොරතුරු විදුහල්පතිවරු විසින් ලබා දෙන්නේ නම් පරිපාලන නිලධාරීන් ලෙස ඔවුන් සම්බන්ධයෙන් පියවරක් නොගන්නේ ඇයි ද යන්න මෙහි දී කමිටුවේ සභාපති අමාත්ය කේ.ඩී ලාල්කාන්ත අධ්යාපන පරිපාලන නිලධාරීන්ගෙන් ප්රශ්න කළේය.
චක්රලේඛන හා අධ්යාපන අමාත්යාංශයේ නිර්දේශවලට අනුගත නොවී අධ්යාපන බලධාරීන් හා විදුහල්පතිවරු කටයුතු නොකිරීම හේතුවෙන් පළාතේ පාසල්වල ගුරු අතිරික්තයක් හා හිඟයක් නිර්මාණය වී තිබෙන බව මෙහි දී අනාවරණය වීමෙන් පසු ඒ සම්බන්ධයෙන් ගන්නා ක්රියාමාර්ග මාස 03 ක් ඇතුළත කමිටුවට දැනුම් දෙන ලෙස ලාල්කාන්ත ඇමැතිවරයා අධ්යාපන බලධාරීන්ට දැන්වූයේය.
