ලලිත් චාමින්ද –
මධ්යම අධිවේගි මාර්ගයේ තුන්වැනි කොටසේ සිවිල් ඉදිකිරිම් කටයුතු කිසිවක් මේ දක්වා ආරම්භකර නොතිබුනද 2013 වර්ෂයේ පිහිටුවා තිබු ව්යාපෘති මෙහෙයුම් ඒකක වෙනුවෙන් රුපියල් මිලියන 834 ක මුදලක් වැයකොට තිබු බව ජාතික විගණන කාර්යාලය මගින් මාර්ග සංවර්ධන අධිකාරිය සම්බන්ධව 2020 වර්ෂයට අදාලව නිකුත්කොට ඇති විගණන වාර්තාවේ සදහන් වේ.
එමෙන්ම ඉඩම් අත්පත්කරගැනීමේ කටයුතු කඩිනම් කිරීම සදහා රාජ්ය ආයතන 04කට රුපියල් මිලියන 32.2ක මුදලක් දිරි දීමනා වශයෙන් ගෙවා තිබුනද ඉඩම් අත්පත්කරගැනීමේ කටයුතු ඉතා මන්දගාමි තත්වයක් පැවති බවද විගණනය මගින් අනාවරණය කොට ඇත.
ඉඩම් කට්ටි 3264ක් අත්පත්කරගැනිම සඳහා සැලසුම්කොට තිබු අතර ඉන් ඉඩම් කට්ටි 2556ක් සඳහා වන්දි වශයෙන් රුපියල් මිලියන 4834ක් ගෙවා තිබුණි. ප්රමාද පොලිය වශයෙන් ද රුපියල් මිලියන 98ක් ගෙවා තිබු අතර එහෙත් ඉඩම් කට්ටි කිසිවක් මේ දක්වා ඉඩම් අත්පත්කරගැනිමේ පනතේ 44 වැනි වගන්තිය අනුව මාර්ග සංවර්ධන අධිකාරියේ ලියාපදිංචිකොට නොතිබුණි.
මෙකි අධිවේගි මාර්ගයේ තුන්වැනි කොටසේ ඉදිකිරිම් කොන්ත්රාත්තුව ප්රදානය කිරිම සඳහා ප්රසම්පාදන කටයුතු 2014 වර්ෂයේ සිට අවස්ථා කිහිපයකදි සිදුකළ බවත් එහෙත් 2021ට පෙර සිදුකරනු ලැබු සියලු ප්රසම්පාදනයන් රජයේ තිරණ මත හෝ ණය ආධාර මුදල පිළිබද අවසන් එකඟතාවයකට නොහැකිවිම මත අතරමග නවතා දැමු බවත් අධිකාරියේ කළමණාකාරිත්වය විසින් විගණනයට ප්රකාශ කොට ඇත.
එමෙන්ම පොලීගෙවා ඇති සියලු ඉඩම් කැබලි සදහා 44 වැනි වගන්තිය යටතේ පැවරුම් ක්රියාවලිය කඩිනම් කිරිමට කටයුතු කර ඇති බවත් 2021 වර්ෂයේ 11.05 වැනිදිනය කැබලි 70ක් පැවරිමේ කටයුතු අවසන්කොට වි්යාපෘතිය වෙත ලබාදි ඇති බවද කළමණාකාරිත්වය මගින් ප්රකාශකොට ඇත.
