මංගල සමරවීර දේශපාලනයෙන් ඉවත්වීම පිළිබඳ ප්රකාශ කළ පසු තමන් ඔහුට දුරකථනයෙන් කතා කළ බවත් මංගලගේ මරණයෙන් ශෝක වූවා සේම එදා තමන් ශෝක වූ බවත් අග්රාමාත්ය මහින්ද රාජපක්ෂ පැවසුවේය.
අද පර්ලිමේන්තුවේ දී මංගල සමරවීරගේ ශෝක යෝජනාව විවාදයට ගත් අවස්ථාවේ දී ඔහු මේ බව ප්රකාශ කළේය.
එහිදී අග්රාමාත්ය තුමා මෙසේ ද පැවසුවේය.
මංගල දේශපාලනයෙන් ඉවත්වන විට එතුමාගේ මරණයේ දි වගේම මම ගොඩක් කණගාටු වුනා. ඊට හේතුව වුනේ මංගල දේශපාලනයේ සිටිය යුතුම දේශපාලකයෙක් ලෙස මා සැලකුවා. ඔහු තරග කළ යුතු සටන් වැදිය හැකි ප්රතිවාදියෙක්.
දේශපාලනයෙන් සමුගන්නවා කිව්වට පස්සෙ මම කතා කරලා මංගලට කිව්වා මංගල තවදුරටත් ඔබ දේශපාලනයේ ඉන්න ඕන කියලා. ඒකට හේතුව මංගල වාගේ ප්රතිවාදියෙක් මේ දේශපාලන ලෝකයට අවශ්ය කරනවා.
ඔහු කොයිම වෙලාවකවත් දේශපාලනය පෞද්ගලික ජීවිතයට ගාවගෙන වෛර කරන්න පළිගැනීම් කරන්න සූදානම් වුනේ නැති මිනිසෙක්.
පාර්ලිමේන්තුව තුළ හෝ මහජන සභාවල අපි අතර තිබෙන ප්රතිපත්තිමය වෙනස්කම් පැහැදිලිව ලෙසම විවේචනය කරගන්න ඕන. ඒවා තියුණු වෙන්නත් පුලුවන්. නමුත් මනුෂ්යත්වය පිළිබඳ කාරණාවලදී දේශපාලනය සහ මනුෂ්යත්වය කියන්නෙ දෙකක් නොවන බව මතක තබා ගත යුතුයි.
