අනුරාධපුර – පර්සි කුරුනේරු –
ආගමික පරිසරයක් තුළ අධ්යයන කටයුතු ක්රියාත්මක කළ යුතු බවට ශ්රී ලංකා භික්ෂු විශ්වවිද්යාලයීය පාලක සභාව විසින් ලබාදී තිබෙන උපදෙස් අනුව ක්රියාත්මක කිරීමට යාමේදී ඊට එරෙහිව කටයුතු කරන ශිෂ්ය භික්ෂුන් වහන්සේලා කීප දෙනෙකුගේ මෙහෙයවීම මත එහි ශිෂ්ය භික්ෂූන් වහන්සේලා විසින් අඛණ්ඩ සත්යග්රහයක් ආරම්භ කරගෙන යන බව එම විශ්ව විද්යාලයේ උපකුලපති ජ්යෙෂ්ඨ මහාචාර්ය පූජ්ය කනත්තෙගොඩ සද්ධාරතන නාහිමියෝ පැවසූහ.
මෙම විරෝධතාවය මෙහෙයවන පිරිස අතර නවක ශිෂ්ය භික්ෂුන් වහන්සේලාහට අමානුෂික ලෙස නවක වධය ලබාදීමේ චෝදනාව මත විශ්ව විද්යාලීය විනය කමිටුව මගින් වසර එක හමාරේ සිට වසර දෙකක් දක්වා කාල සීමාවක් සදහා පන්ති පහනමකට ලක්කොට ශිෂ්ය හිමිවරුන් කීප දෙනකුද වන බව පූජ්ය කනත්තෙගොඩ සද්ධාරතන හිමියෝ කීහ.
නවක වධය ලබාදීමේ චෝදනාවට ලක් වූ එම විශ්වවිද්යාලයේ ශිෂ්ය හිමිවරුන් විසින් තමන් අතින් සිදුවූ වරදට සමාව ඉල්ලා විශ්ව විද්යාලීය විනය කමිටුව හමුවට ඉදිරිපත් කොට තිබූ අභියාචනා සැලකිල්ලට ගනිමින් එම ශිෂ්ය හිමිවරුන් දහදෙනා වෙත ඉකුත් 06 වෙනිදා සිට ආරම්භ කිරීමට නියමිතව තිබූ සමාසික වාර පරීක්ෂණයට පෙනී සිටීමට අවස්ථාව ලබා දී තිබියදී උන්වහන්සේලා කීපදෙනෙකුගේ මෙහෙයවීම මත කිසිදු පූර්ව දැනුම්දීමකින් තොරව පසුගිය 05 වෙනිදා මධ්යම රාත්රී දොළහට පමණ සමාසික වාර පරීක්ෂණය කඩාකප්පල් වන අයුරින් කටයුතු කරමින් මෙලෙස සිය විරෝධතා ක්රියාමාර්ගයක් ආරම්භ කොට ඇති බවත් විශ්වවිද්යාලයේ උපකුලපති ජ්යෙෂ්ඨ මහාචාර්ය පූජ්ය කනත්තෙගොඩ සද්ධාරතන නාහිමියෝ පැවසූහ.
මේ අතර එම විශ්වවිද්යාලයේ අනුරාධපුර නවපුත්තලම් පාරේ පිහිටි නව පරිශ්ර භූමියේ රෝපණය කොට තිබෙන ජය ශ්රී මහා බෝධීන් වහන්සේගේ අනුශාඛාව ඉදිරිපිටට හෙට(08) සවස සියලුම ශිෂ්ය හිමිවරුන් වැඩම කරවා බුද්ධ වන්දනාව සිදු කිරීමට නියමිතව තිබූ බවත් බෞද්ධාගමික පරිසරයක් තුළ වෙනත් අකටයුතුකම්වල නිරතවීමේ නොහැකියාවෙන් පෙළෙන සිසුන් කීප දෙනෙක්ද මෙම විරෝධතාවයට එක්ව සිටින බවත් උන්වහන්සේ කීහ.
මේ අතර ආගමික පරිසරයක් තුළ විශ්ව විද්යාලයේ අධ්යාපන කටයුතු ක්රියාත්මක කිරීමේදී ඇතැම් ශිෂ්ය හිමිවරුන්ට ඔවුනගේ කටයතු සිදු කරගෙන යාම ගැටලුවක් වීම සහ පංති තහනම් කොට ඇති සිසුන්ගේ ඉවත් කරවා ගැනීමට නොහැකි වීම නිසා ඊට බලපෑමක් ලෙස එම ශිෂ්ය හිමිවරුන් විසින් නවතම සටන් පාඨය ලෙස තමන් වහන්සේට උපකුලපති ධූරයෙන් ඉවත් වන ලෙසට ඉල්ලා සිටින බවත් උපකුලපති ජ්යෙෂ්ඨ මහාචාර්ය කනත්තෙගොඩ සද්ධාරතන නාහිමියෝ වැඩිදුරටත් පැවසූහ.
