ශ්රියානි විජේසිංහ –
බෝවන රෝගයන් අතර වැඩිම පිරිසක් මිය යන රෝගය ලෙස ක්ෂය රෝගය හඳුනාගෙන ඇතැයි ක්ෂය රෝග මර්ධන වැඩසටහනේ අධ්යක්ෂ විශේෂඥ වෛද්ය හේමන්ත හේරත් සඳහන් කරයි.
ඩෙංගු රෝගය හැරුණු විට වැඩියෙන්ම රෝගීන් වාර්තාවන රෝගය ලෙස ක්ෂයරෝගය හඳුනාගෙන ඇතැයිද අධ්යක්ෂවරයා පැවසීය.
වසරකට ක්ෂයරෝගීන් 8000ක් පමණ හඳුනා ගන්නා අතර ඉන් 500-600 අතර සංඛ්යාවක් මිය යන බවද හෙතෙම පෙන්වාදේ.
වසර 2025දී මෙරටින් ක්ෂයරෝගය ඉවත් කිරීමේ ඉලක්කය තිබුණද වසර ගණනාවක සිට රෝගීන් 8000 ඉක්මවා වාර්තා විම හේතුවෙන් එම ඉලක්කය ලඟාකර ගැනීමට නොහැකි වී ඇතැයි ද වෛද්ය හේරත් පවසයි.
ඒ අනුව මෙරටින් ක්ෂයරෝගය ඉවත්කිරීමේ ඉලක්කය වසර 2035දී සපුරා ගැනීමට කටයුතු කරමින් මේ වන විටත් ජනතාව දැනුවත් කිරීම ආරම්භ කර ඇතැයි හෙතෙම සඳහන් කරයි.
සති දෙකකට වඩා කැස්ස පවතින්නේ නම් එය ක්ෂයරෝගය විය හැකි බැවින් වෛද්ය පරීක්ෂාවකට යොමු වී රෝගය සුවකර ගැනීමට කටයුතු කරන්නැයි වෛද්ය හේමන්ත ජනතාවගෙන් ඉල්ලා සිටියි.
බොහෝ පුද්ගලයින්ගේ නොසැලකිලිමත්කම ක්ෂය රෝගය පැතිරයාමට හේතුවක් වී ඇතැයි වෛද්ය හේමන්ත සඳහන් කරයි.
