බූස්ටර් මාත්රාව ලබා ගත් පමණින් මුහුණු ආවරණ ඉවත්කිරීමට කිසිම නිර්දේශයක් නිකුත් කර නැතැයි සෞඛ්ය සේවා අධ්යක්ෂ ජනරාල් විශේෂඥ වෛද්ය අසේල ගුණරත්න අවධාරණාත්මකව පවසයි.
ඔහු කියන්නෙ මුහුණු ආවරණය ඉවත් කිරීම යන නිර්දේශය ලබා දීම ලෝක සෞඛ්ය සංවිධානයේත්, ලෝකයේ විදෙස් රටවල විශේෂඥ නිර්දේශත්, රට තුළ විශේෂඥ කමිටුවල නිර්දේශත් සමග කළ යුතු ඉතාම බැරෑරුම් කටයුත්තක් බවය.
මාධ්ය අමතා ඔහු කීවේ මෙසේය.
“බූස්ටර් මාත්රාව ගත්තා කියලා අපට කිසි විදිහකින් සෞඛ්ය ආරක්ෂානුකූලව අප කරන වැඩ කටයුතු එකක්වත් නැති කරන්න බෑ. දැනටත් ලාංකාවෙ බූස්ටර් මාත්රාව අරගෙන තියෙන්නෙ සියයට තිස් පහත් හතලිහත් අතර ප්රමාණයක්“.
“බූස්ටර් මාත්රාව ගත්ත කට්ටිය සියයට අසූපහක් පමණ වුනොත් , තියන සෞඛ්ය නිර්නායක ඉවත් කරල රට සම්පූර්ණයෙන්ම විවෘත කරනවා කියන ප්රතිපත්තියට රටක් විදිහට ආවොත් පමණයි මුව ආවරණය ඉවත් කිරීම කියන තීන්දුවට යන්න වෙන්නෙ.“
“ ඒත් අපට කියන්න බෑ ඒ වෙනකොට අලුත් ප්රභේදයක් එයිද කියලා. හොඳම දේ මොන ප්රභේදය ආවත් මුහුණු ආවරණය පැළඳිම. එය ගලවන්න පුලුවන් කමක් නෑ . අපි එහෙම කරන්න නම් ලෝක සෞඛ්ය සංවිධානයත් ලංකාව ඇතුළෙ තියන සියලුම විශේෂඥ කමිටුවලිනුත්, ලෝකයේ තියන වෛද්ය විද්යාත්මක සාධකත් එකක් එකතු කරලා තමයි එහෙම තීරණයක් ගන්න වෙන්නෙ. දැනට අපි එහෙම තීරණයක් දීලා නෑ. “
සෞඛ්ය සේවා අධ්යක්ෂ ජනරාල් විශේෂඥ වෛද්ය අසේල ගුණරත්න ඊයේ ප්රවෘත්ති සේවයකට පවසා තිබුණේ තුන්වන මාත්රාව ලබාගෙන ප්රතිශක්තිය අපේක්ෂිත මට්ටමට ලඟා වුවහොත් මුහුණු ආවරණ ඉවත් කළ හැකි බවය.
