ඉන්දීය භාරතීය ජනතා පක්ෂයට අවශ්යව ඇත්තේ මෙරට ශාඛාවක් පිහිටුවීමට නොව, ශ්රී ලංකාව මෙන්ම අමෙරිකාව ඇතුළු සෙසු රටවල එම පක්ෂයේ දෘෂ්ටිවාදය ව්යාප්ත කිරීම බව ත්රිපුර ප්රාන්තයේ නීතිය පිළිබද අමාත්ය රතන් ලාල් නාත් පවසයි.
ඔහු මේ බව සදහන් කර ඇත්තේ ත්රිපුර මහඇමති බිප්ලාබ් ඩෙබ්ගේ ප්රකාශය ගැන පැහැදිලිකිරීමක් ලෙසයි. මහඇමතිවරයාගේ පවසා තිබුණේ එරට මධ්යම ස්වදේශ කටයුතු අමාත්ය අමිත් ෂා විසින් නේපාලය හා ශ්රී ලංකාව දක්වා භාරතීය ජනතා පක්ෂය පුළුල් කරන බවට ප්රකාශ කරන ලද්දේ පක්ෂයේ සැලසුම් පිළිබද බවයි. විශේෂයෙන්ම අමිත් ෂා පසුගිය වසර තෙක් භාරතීය ජනතා පක්ෂයේ සභාපතිවරයාව සිටි අයෙකි.
“අපගේ මහඇමති අදහස් කළේ ලෝකයේ සෙසු රටවල භාරතීය ජනතා පක්ෂයේ මතවාදය පතුරුවන්න ඕන කියන එකයි. ඒකෙන් කියවෙන්නේ නෑ බීජේපීය තමන්ගේ ශාඛාවන් එම රටවල් තුළ ස්ථාපනය කර පක්ෂයේ කටයුතු කරන බවට. ඔහුගේ ප්රකාශය වැරදි විදියට අර්ථකථනය කරලා” යනුවෙන් නාත් පවසයි.
“අපිට දැනෙන්නේ බීජේපී පක්ෂයේ මතවාදය මුළු ලෝකෙම පිළිගනීවි කියලා. ශ්රී ලාංකිකයන් පවා දැන් බීජේපීයේ මතය පිළිගනිමින් ඉන්නවා. අමෙරිකාවත් පිළිඅරන් තියෙනවා. මුළු ලෝකෙම දැන් ඒ ගැන හිතනවා” නාත් කීය.
මුළු ලෝකයම අග්රාමාත්ය නරේන්ද්ර මෝදිගේ පරමාදර්ශ සහ පෞරුෂත්වය දෙසට ඇදී එන බව ද අමාත්යවරයා තවදුරටත් කියා සිටියේය.
