බිත්තර මිල පාලනය සඳහා ගතහැකි ක්රියාමාර්ග සඳහා අවසන් එකඟතාවයට පැමිණීමට හෙට (02) දිනයේ රැස්වන කැබිනට් මණ්ඩලයේ දී බලාපොරොත්තුවන බවත්, එහිදී බිත්තර ආනයනය කිරීම සම්බන්ධව ද අවධානය යොමුකිරීමට බලාපොරොත්තු වන බවත් වෙළෙඳ අමාත්ය නලීන් ප්රනාන්දු පවසයි.
මිල පාලනය සඳහා බිත්තර ආනයනය කරන ලෙස බේකරි හිමියෝ පසුගිය දා ඉල්ලා සිටියහ. මිල ඉහළ යෑම සම්බන්ධව ජනතාවගෙන්ද දැඩි අප්රසාදයක් ඇති වී තිබිණි.
රුපියල් 50ක මිලකට බිත්තරය පවත්වාගෙන පැමිණිය ද අභියාචනාධිකරණය බිත්තර මිල පාලන ගැසට්ටුව තාවකාලිකව අත්හිටුවීමෙන් පසු බිත්තර මිල එක්වරම රුපියල් 60 ඉක්මවා ඉහළ ගියේය.
මේ සම්බන්ධව බිත්තර වෙළෙඳ සංගම් බිත්තර ගොවීන්ගේ මාෆියාවක් ඇතැයි පවසන අතරවාරයේ දී සමස්ත ලංකා බිත්තර නිෂ්පාදකයින්ගේ සංගමය පවසන්නේ මිල ඉහළ යාමට සම්පූර්ණයෙන්ම වගකිව යුත්තේ තමන් නොව අතරමැදි බිත්තර වෙළෙඳුන් බවය.
වෙළෙඳ ඇමති නලීන් ප්රනාන්දු අතරමැදි බිත්තර වෙළෙඳ ව්යාපාරිකයන්ගේ ප්රධාන සංගමයක සභාපතිගේ මස්සිනා බවත් වෙළෙඳ ඇමති මේ ප්රශ්නයට සාධාරණ පිළිතුරක් ලබා දෙන්නේ නැති බවත් සමස්ත ලංකා බිත්තර නිෂ්පාදකයින්ගේ සංගමය පැවසුවේය.
බිත්තර නිශ්පාදකයින් පෙන්වා දෙන්නේ ගොවීන් විසින් කෙළින්ම පාරිභෝගිකයා වෙත බිත්තර අලෙවි කිරීමට කෘෂිකර්ම ඇමතිවරයාගේ උපදෙස් මත ක්රියාත්මක කළ ව්යාපෘතිය ව්යවර්ථ කිරීමේ ප්රධාන බලපෑම වෙළෙඳ ඇමතිවරයාගෙන් සිදුවූ බවය.
