වත්මන් ආර්ථික අර්බුදයට මුහුණ දීම සඳහා රජය ජාත්යන්තර මූල්ය අරමුදලෙන් උපදෙස් ඉල්ලා ඇති බවට මුදල් අමාත්ය බැසිල් රාජපක්ෂ මහතා ඊයේ (02) සවස ප්රකාශ කළ ද එම ප්රකාශය දියාරු කරමින් මහ බැංකු අධිපති අජිත් නිවාඩ් කබ්රාල් මහතා අද ප්රකාශ කළේ එය විශේෂ දෙයක් නොව සාමාන්යයෙන් ජාත්යන්තර මූල්ය අරමුදල ශ්රි ලංකාව සම්බන්ධයෙන් ලබා දෙන සුපුරුදු තාක්ෂණික ආධාර වැඩසටහනක් පමණක් මිස වෙන කිසිවක් නොමැති බවයි.
අද උදෑසන ට්විටර් පණිවුඩයක් නිකුත් කරමින් මුදල් අමාත්යවරයා ද ටැග් කරමින් ඔහු මේ බව සඳහන් කර තිබුණි.
අද දින රජය විසින් ආරම්භ කරනු ලබන ශ්රි ලංකාවේ එක් එක් ප්රදේශවල ක්රියාත්මක වන වැඩ ලක්ෂයක ග්රාමිය යටිතල පහසුකම් වැඩසටහන පිළිබඳව මාධ්ය දැනුවත් කිරීමේ හමුවකදී අදහස් දක්වමින් ඊයේ මුදල් අමාත්යවරයා පැහැදිලිව ප්රකාශ කළේ පවතින අර්බුදය සම්බන්ධයෙන් තාක්ෂණික සහය ලබා ගැනීම සඳහා ජාත්යන්තර මූල්ය අරමුදලෙන් සහය ඉල්ලා ඇති අතර එම ආයතනයේ විහේෂඥයින් කණ්ඩායමක් ළඟදිම හ්රි ලංකාවට පැමිණෙනු ඇති බවය.
මේ ප්රකාශය ශ්රි ලංකා මහ බැංකු අධිපතිවරයා විසින් පසුගිය කාලය තුළ දරන ලද ස්ථාවරයට පටහැනි වන අතර ඔහු දිගින් දිගටම කියා සිටියේ හ්රි ලකාවේ විදේශ විනිමය අර්බුදය විසඳීමේ එකම විකල්පය ලෙස ජාත්යන්තර මූල්ය අරමුදල තමන් විශ්වාස නොකරන බව සහ එයට සෘඩුවම යාමේ අදහසක් නැති බවය.
