රට පුරා සිටින මාතා වෛෂ්ණෝ දේවි වන්දනාකරුවන්ට ප්රසාද පෙට්ටි, ඇසිරීම සහ ගෙයින් ගෙට කඩිනමින් බෙදා හැරීම සඳහා මාතා වෛෂ්ණෝ දේවි සිද්ධස්ථාන මණ්ඩලය DTDC Express Limited යන කුරියර් සේවා සමාගම සමඟ ගිවිසුමකට එළඹ ඇති බව මණ්ඩලයේ නිලධාරීන් පවසති.
මෙමඟින් බැතිමතුන්ට ඉක්මණින් ප්රසාද ලබා ගැනීමට හැකියාව ලැබෙනු ඇතැයි ඔවුන් විශ්වාසය කරන බව ‘ලේටස්ට් එල්වයි’ වෙබ් අඩවිය වාර්තා කරයි.
මාතා වෛෂ්ණෝ දේවි සිද්ධස්ථාන මණ්ඩල වෙබ් අඩවිය හරහා බැතිමතුන්ට රු. 100, 300, 500, 1100 හා 2100 යන ප්රසාද කාණ්ඩ පහ යටතේ ප්රසාද ඇණවුම් කළ හැකි අතර ඒවා DTDC මඟින් බෙදා හැරීමට කටයුතු කරන බව නිළධාරීන් සඳහන් කරයි.
උතුරු ඉන්දියාවේ වෙසෙන බැතිමතුන්ට පැය 48ක් ඇතුළත සිය දොරකඩට ප්රසාද ලබා දීමට කුරියර් සේවාව වග බලා ගන්නා අතර ඩිජිටල් ට්රැකින් හරහා බැතිමතුන්ට සිය ප්රසාද ඇති ස්ථානය පරීක්ෂා කිරීමට ද හැකියාව ලැබේ.
