බස්නාහිර පළාත් ජ්යෙෂ්ඨ නියෝජ්ය පොලිස්පති කාර්යාලයේ සේවය කළ උප පොලිස් පරීක්ෂකවරයෙක් අබිරහස් ලෙස ගෙල වැල ලාගෙන මිය යෑම පිළිබඳ පොලිසිය පරීක්ෂණ පවත්වයි.
මෙම නිලධාරියා මහබාගේ පොලිස් වසමට අයත් 127/1 A ධර්මදාස මාවත ඇලපිටිවල ප්රදේශයේ පදිංචි කරුවෙකි.
නිවසේ කිසිවෙක් නොමැති අවස්ථාවක ඔහු ගෙලවැල ලා ගෙන තිබෙන බව විමර්ශනවලදී හෙළි වී ඇත.
මෙම නිලධාරියා පොලිසියේ ජ්යෙෂ්ඨ නිලධාරීන් සමග සමීප සම්බන්ධතා පැවැත්වූ අයෙක් බවත්, ඔහු යම් සිද්ධියක් සම්බන්ධව දින කීපයක සිට බරපතල සිත් තැවුලෙන් සිට ඇති බවත් පොලිසියේ අභ්යන්තර ආරංචි මාර්ග කියයි.
සිද්ධිය සම්බන්ධව පසුගිය 29 දා පශ්චාත් මරණ පරීක්ෂණය පවත්වා ඇති අතර මරණය පිළිබඳව විවෘත තීන්දුවක් ලබා දී තිබේ.
