තමන් දරන සංචාරක රාජ්ය අමාත්ය ධුරයට අදාළ වගකීම් වෙනම පවරන ජනාධිපතිවරයාගෙන් ඉල්ලා සිටි බව සංචාරක රාජ්ය අමාත්ය ඩයනා ගමගේ පවසයි.
රජයේ ප්රවෘත්ති දෙපාර්තමේන්තුවේදී අද පැවැති මාධ්ය හමුවකදී මාධ්යවේදියකු විමසූ ප්රශ්නයකට පිළිතුරු දෙමින් ඇය සඳහන් කළේ තමන්ට රටට නිසි ආකාරයෙන් අපේක්ෂිත සේවය ලබා දීමට නම් තමන්ට අදාළ ආයතන වෙන් කොට නිශ්චිත වගකීම් ලබා දීම අත්යවශ්ය බවයි.
එහිදී ඇය වැඩිදුරට සඳහන් කළේ එක් පුද්ගලයකු හෝ දෙදෙනකු අදාළ අමාත්යශයේ වගකීම්, බලය බදාගෙන සිටියහොත් කාර්යක්ෂමව කටයුතු කිරීමේ අවස්ථාව මඟ හැරෙන බවය.
“ එහෙම වුණොත් වෙන්නේ බල්ලා පිදුරු කන්නේත නෑ. කන ගොනාට දෙන්නේත් නෑ වගේ තත්ත්වයක්. මේ නිසා තමයි මම ජනාධිපතිතුමාගෙන් ඉල්ලා සිටියේ බලතල ලබා දෙන්න කියල“ ඇය තවදුරටත් ප්රකාශ කළාය.
ඇයගේ අමාත්යංශයේ විෂය පථයේ කැබිනට් අමාතයවරයා වන්නේ හරීන් ප්රනාන්දුය.
එහිදී රාජ්ය අමාත්යවරිය කංසා නීතිගත කිරීම සහ රාත්රි ආර්ථිකය පිළිබඳව සිය පුදුරුදු හඬද අවදි කළාය.
“බොහෝ රටවල රාත්රි ආර්ථිකය සියයට 70කින් ක්රියාත්මකයි. සංචාරකයන්ට ඩොලර් වියදම් කරන්න නම් ඔවුන්ට රාත්රි සමාජ ශාලා තිබිය යුතුයි. කන්න බොන්න නටන්න අවශ්ය පසුබිම තිබිය යුතුයි. රාත්රි 10ට සියල්ල වහල හරියන්නේ නෑ .“
කංසා නීතිගත කිරීමට අදාලව කටයුතු කිරීමට මේ වනවිට ජනාධිපතිවරයා කමිටුවක් පත් කර තිබෙනවා. කංසා වගාකිරීම එයින් සිදු කරන නිෂ්පාදන අපනයනය කිරීමට අදාළ යෝජනා සලකා බැලීමෙන් අනතුරුව ඉදිරි පියවර පිළිබඳව තීරණය කෙරෙනු ඇතැයිද ඇය මෙහිදී සඳහන් කළාය.
