කොවිඩ් හි JN.1 ප්රභේදය නොවැම්බර් පළමු සතියේ සිට බොහෝ විට ඉන්දියාවේ සංසරණය වී ඇති බව ඉන්දීය සෞඛ්ය අංශ පවසයි. පැතිරීම වේගවත් වුවද බරපතල තත්ත්ව ඇති නොකරන මෙම කොවිඩ් ප්රභේදය පිළිබඳව මේ වනවිට කලබල වීමට කිසිවක් නොමැති බව විශේෂඥවරුන් උපුටා දක්වමින් හින්දුස්ථාන් ටයිම්ස් වාර්තා කරයි.
කේරළ සෞඛ්ය ඇමතිනී වීනා ජෝර්ජ් අද (22) ප්රකාශ කර තිබුනේ නොවැම්බර් මාසයේ සිට ප්රාන්තයේ කොවිඩ් රෝගීන්ගේ සුළු වැඩිවීමක් දක්නට ලැබුන බවය. එහි සාම්පල පරීක්ෂාව අනෙකුත් ප්රාන්තරවලට වඩා වැඩි බැවින් කොවිඩ් ආසාදිතයන් වාර්තාවීම වැඩි බවත් තත්ත්වය සම්පූර්ණයෙන්ම පාලනය කර ඇති බවත්ය.
පසුගිය පැය 24 තුළ කේරළයේ නව කොවිඩ් ආසාදන 265 ක් සහ එක් මරණයක් වාර්තා විය.
“අපගේ පරීක්ෂණ සංඛ්යාව ඉහළ බැවින් ස්වභාවිකවම ආසාදිතයන් හමුවීම වැඩියි. කෙසේ වෙතත්, දැඩි සත්කාර ඒකකගත කිරීම්, වෙන්ටිලේටර හරහා කෘතිම ස්වසනය ලබා දීම්, නිරෝධායනය කිරීම් හි වැඩි වීමක් සිදු වී නෑ… මිය ගිය අයට දරුණු රෝගාබාධ තිබුණා; එක් පුද්ගලයෙක් පිළිකා රෝගියෙක්. අනෙක් රෝගියා නිදන්ගත වකුගඩු රෝග සහ හෘද රෝගියෙක්. කොවිඩ් ආසාදිත වුවත් මේ කිසිවකුටත් කොවිඩ් සංකූලතා ඇති වී නැහැ,” අමාත්යවරිය පවසා තිබිණි.
අපට A, B, C සැලසුම් තියනවා. අපි සූදානම්… කලබල වීමට කිසිවක් නෑ… මෙම ප්රභේදයේ සම්ප්රේෂණය වැඩි නමුත් බරපතලකම අඩුය,” වීනා ජෝර්ජ් පැවසුවාය.
