බංගලාදේශ දකුණු අප්රිකානු තරගයේ දකුණු අප්රිකානු ඉනිම නිමා වී ඇත්තේ බංගලාදේශයට අතිශය දැවැන්ත ලකුණු 205ක ඉලක්කයක් ලබා දෙමිනි. ඒ ලකුණු ප්රමාණය ඔවුන් ලබා ගන්නේ කඩුළු 05ක් පමණක් දැවී යෑමෙනි.
ලෝක කුසලාන විස්සයි 20 තරගාවලියේ 22 වන තරගය ලෙස 2 ඛාණ්ඩයෙන් මෙම කණ්ඩායම් දෙක අද (27) සිඩිනි හි දී තරග වදිමින් සිටිති. කාසියේ වාසිය දිනූ දකුනු අප්රිකාව මුලින්ම පන්දුවට පහර දීමට තීරණය කර සාර්ථක ප්රතිඵල නෙලාගෙන ඇත.
දකුණු අප්රිකාව වෙනුවෙන් විශිෂ්ට පිතිකරණයක නිරත වූ රිලී රොසෝව් මනරම් ශතකයක් වාර්තා කළේය. ඔහු පන්දු 56ක දී ලැබූ ලකුණු ප්රමාණය ලකුණු 109කි. ඊට හයේ පහර 08ක් සහ හතරේ පහර 07ක් ඇතුළත් විය.
ක්වින්ටන් ඩි කොක් පන්දු 38ක දී ලකුණු 63ක් ලැබුවේය. ඊට හයේ පහර 03ක් සහ හතරේ පහර 07ක් ඇතුළත් විය. පළමු කඩුල්ල වෙනුවේන රිලී සහ ඩි කොක් අතර සම්බන්ධය ලකුණු 163ක් විය.
ශකීබ් අල් හසන් ලකුණු 33ට කඩුළු 02ක් ලැබීය.
බංගලාදේශයට ලකුණු 206ක ඉලක්කයක් හිමි වී තිබේ. මේ වනවිට බංගලාදේශ ඉනිම ආරම්භ වී ඇත.
