පවතින බලශක්ති අර්බුදය හමුවේ පෞද්ගලික තාප බලාගාර දෙකකින් විදුලිය ලබා ගැනීම සඳහා විදුලි බල අමාත්ය ගාමිණී ලොකුගේ මහතා ඊයේ (31)කැබිනට් මණ්ඩලයට ඉදිරිපත් කර ලද යෝජනාවට ජනාධිපති ගෝඨාභය රාජපක්ෂ මහතා විරෝධය පළ කර තිබේ.
මෙම විදුලි බලාගාර මඟින් විදුලිය මිලදී ගන්නේ නම් අවම වශයෙන් වසර තුනක කාලයක් දක්වා විදුලිය මිල දී ගත යුතු බවට එම බලාගාර සමාගම් කොන්දේසියක් පනවා තිබීම ජනාධිපතිවරයා එලෙස විරෝධය දැක්විමට හේතු වු බව සම කැබිනට් ප්රකාශක අමාතය වෛද්ය රමේෂ් පතිරණ පැවසීය.
කඳුකර ජලාශවල ජල මට්ටම ශීඝුයෙන් පහළ යමින් පවතින පසුබිමක් තුළ අඛණ්ඩ විදුලි සැපයුමක් සහතික කර ගැනීම සඳහා අමාත්යවරයා මෙම කැබිනට් පත්රිකාව ඉදිරිපත් කර ඇති අතර රජයේ අපෙක්ෂාව වි ඇත්තේ මෙම තාප බලාගාරවලින් මාස හයක කාලයක් ස දහා විදුලි මිදී ගැනීමය.
එසේ වුවද සපුගස්කන්ද එ්සියා පවර් විදුලිය සමාගම සහ ඇමිලිපිටිය ඒස් පවර් විදුලි සමාගම තම බලාගාර යළි ක්රියාත්මක කර ජාතික විදුලිය පද්ධතියට සම්බන්ධ කරන්නේ නම් අවම වශයෙන් වසර තුනක් සඳහා වත් ගිවිසුම් ගත විය යුතු බවට යෝජනා කර තිබේ.
මෙම යෝජනාව ප්රතික්ෂේප කර ඇති ජනාධිපතිවරයා පෞද්ගලික අංශයෙන් විදුලිය මිලදී ගැනීම සඳහා යළිත් විවෘත ටෙන්ඩර් ක්රියාවලියක් සැකසිය යුතු බවත් ඒ අනුව විදුලිය මිලදී ගැනිම් ක්රියාවලිය අලුතින් දියත් කළ යුතු බවටත් උපදෙස් ලබා දුන් බව අමාත්ය පතිරණ අද පැවැති කැබිනට් මාධ්ය හමුවේදි පැවසීය.
