ජනපති කැඳවූ සාකච්ඡාවට සිය පක්ෂයේ දිස්ත්රික් නායකයින් සහභාගී නොකර පොහොට්ටුව දැක්වූ විරෝධතාවයෙන් පසු ආණ්ඩුව නියෝජනය කරන සියලු පක්ෂ නායක හමුවක් ජනපති අගමැති ප්රධානත්වයෙන් අද හවස 05ට ජනාධිපති ලේකම් කාර්යාලයේ දී පැවැත්වීමට තීරණය කර තිබේ.
මෙම රැස්වීමට පක්ෂ නායකයින් සේම පොහොට්ටුවේ දිස්ත්රික් නායකයින් ද සහභාගී වීමට නියමිතව ඇත.
ඊයේ (13) දිනයේදී අගමැති කාර්යාලයෙන් ඒ සදහා ආණ්ඩුව නියෝජනය කරන සියලුම පක්ෂවලට නිල වශයෙන් ආරාධනා කිරීමට පියවර ගෙන ඇති බව වාර්තා වේ.
ආණ්ඩුව පාර්ශ්වයෙන් පෙරේදා (12) දිනයේ ද ජනාධිපති ලේකම් කාර්යාලයේ මෙවැනිම රැස්වීමක් කැදවීමට පියවර ගෙන තිබූ නමුත් පොහොට්ටුවේ දිස්ත්රික් නායකයන් බහුතරයක් එම රැස්වීම වර්ජනය කිරීමට පියවර ගෙන තිබුණේ පොහොට්ටුවට නිල වශයෙන් දැනුම් දීමක් සිදු නොකොට ආණ්ඩුවේ පාර්ශ්වයෙන් වෙන වෙනම පොහොට්ටුවේ දිස්ත්රික් නායකයන් ඇතුලු නියෝජිතයන්ට මෙම රැස්වීම සදහා ආරාධනා කොට තිබීම නිසාය.
පාර්ලිමේන්තු මන්ත්රී නාමල් රාජපක්ෂට මේ සම්බන්ධව ආරාධනා කරද්දී මේ අයුරින් තනිතනිව ආරාධනා නොකොට පක්ෂයක් වශයෙන් පොහොට්ටුවට ආරාධනා කිරීම සුදුසු අදාළ පාර්ශ්වයන් වෙත දන්වා තිබිණ.
මීට පෙර අවස්ථාවකදීද මේ අයුරින්ම ජනාධිපතිවරයාගේ ප්රධානත්වයෙන් ජනාධිපති ලේකම් කාර්යාලයේ සංවිධානය කළ රැස්වීමකදී පොහොට්ටු මහලේකම් සාගර කාරියවසම් ඊට ජනාධිපතිවරයා ඉදිරියේම සිය දැඩි විරෝධය පළ කිරීමට පියවර ගෙන තිබිණ.
