පොලිස්පති දේශබන්දු තෙන්නකෝන්ට එරෙහි විෂමාචාර සහ පොලිස්පති ධූරයේ බරපතල අපයෝජන චෝදනා විමර්ශනය කර වාර්තා කිරීම සඳහා පත් කරන ලද විමර්ශන කමිටුව අද (මැයි 19) සිය විමර්ශනය ආරම්භ කිරීමට නියමිතය.
පාර්ලිමේන්තු ලේකම් කාර්යාලයට අනුව, දේශබන්දු තෙන්නකෝන් අද පස්වරු 2.00 ට පාර්ලිමේන්තුවේ කමිටු කාමර අංක 8 හිදී අදාල කමිටුව ඉදිරියේ පෙනී සිටීමට නියමිතව ඇත.
විමර්ශන කමිටුව පසුගිය සති කිහිපය තුළ පාර්ලිමේන්තුවේ දී මූලික පරීක්ෂණ පවත්වා ඇත.
ඒ අනුව, මීට පෙර රාජකාරි අත්හිටුවන ලද පොලිස්පතිවරයාට කමිටුව හමුවේ පෙනී සිටින ලෙස විධිමත් නොතීසියක් නිකුත් කර තිබුණි. මෙය දේශබන්දු තෙන්නකොන් අදාල කමිටුව හමුවේ පෙනී සිටින පළමු අවස්ථාව වනු ඇත.
මැයි 15 වන දින කමිටුව පාර්ලිමේන්තුවේදී රැස් වූ අතර, එහිදී විමර්ශනයේ ව්යුහය සහ ප්රගතිය පිළිබඳව වැඩිදුර සාකච්ඡා පැවැත්විණි.
ශ්රේෂ්ඨාධිකරණ විනිසුරු ප්රීති පද්මන් සූරසේනගේ සභාපතිත්වයෙන් යුත් කමිටුවට විනිසුරු ඩබ්ලිව්.එම්.එන්.පී. ඉද්දවල සහ ජාතික පොලිස් කොමිෂන් සභාවේ සභාපති (නිල බලයෙන් පත් කරන ලද) ඊ.ඩබ්ලිව්.එම්. ලලිත් ඒකනායක ඇතුළත්ය.
