රාජ්ය අමාත්ය සනත් නිශාන්ත ගේ ගිනිගත් නිවසත් සමග පොත් දස දහසක් පමණ තිබුණු ඔහුගේ පුස්තකාලයත් සම්පූර්ණයෙන්ම ගිනිගෙන දැවී අලුවුණු වග සති අග අරුණ පුවත්පත වාර්තා කරයි.
කොළඹ ජාත්යාන්තර පොත් ප්රදර්ශනයට පැමිණි දේශපාලන චරිතවල ඇසුරින් නිර්මාණය වූ විශේෂාංග ලිපියකට අදහස් දක්වමින් සනත් නිශාන්ත පවසා ඇත්තේ තමන් අභිරුචියෙන් එක් කළේ ලෝක දේශපාලන චරිතකතා සම්බන්ධ පොත් පත් බවය. සිය බිරිය සහ තමන් ජීවිත කාලයක් මහන්සි වී ගොඩනැගූ පුස්තකාලය අලු වී ගිය බව ඔහු පවසා තිබිණි. විවේකයක් තිබෙන සෑම වෙලාවකම පොත් කියවන බවත් වැඩිපුරම පොත් කියන්නේ පාන්දරට බවත් ඔහු පවසා තිබිණි.
එම කතාව සති අග අරුණ වෙනුවෙන් ඉන්දික සංජීව විතාන වාර්තා කර තිබුණේ මෙසේය.
‘‘මම පවුලේ සියලු දෙනා එක්කම පොත් ප්රදර්ශනයට යනවා. ගියාම පැය හයක් හතක් කොහොමත් පොත් අතර තමයි ගත කරන්නේ.
අරගලයත් එක්ක මේ ගමන ගියාම මිනිස්සු මා දිහා බැලුවෙ අමුතු සතෙක් දිහා බලන්න වගේ.
බොහෝ විට මම ලෝකයේ තිබෙන දේශපාලන චරිත කතා තමයි තෝරා ගන්නේ. මගේ දරුවෝ හතර දෙනාට වෙනම පොත් අරන් දුන්නා. බිරිඳට වෙනම අරන් දුන්නා. මට ඕනෙ ටිකත් ගත්තා.
එයට අමතරව තෑගි දෙන්න පොත් ගත්තා. යන එන හැම තැනම අතේ පොතක් අරගෙන නොගියත් විවේකයක් තියෙන වෙලාවට කියවනවා. වැඩිපුරම කියවන්නේ පාන්දරට.
මමයි බිරිඳයි ජීවිත කාලෙම එකතු කළ 10000කට වැඩිය පොත් තියෙන ලොකු පුස්තකාලයක් තිබුණා. ඒක පහුගිය කාලේ සම්පූර්ණයෙන්ම අළු වෙලා ඉවරයි. දැන් මා ළඟ තියෙන්නේ මේ ගමන ප්රදර්ශනයෙන් ගත්ත පොත් විතරයි.’’
