දිනසේන රතුගමගේ –
පුරා විද්යා දෙපාර්තමේන්තුවේ නිලධාරීන්ට එරෙහිව විරෝධතාවයක් ඊයේ (20) යාපනයේදී පැවැත්වුණි.
යාපනය කෝපායි ප්රදේශයේ පැවති මේ විරෝධතාවයෙදී විරෝධතාකරුවන් කියා සිටියේ පුරා විද්යා නිලධාරීන් බෞද්ධාගමට පමණක් පක්ෂපාතීව කටයුතු කරමින් හින්දු දහමට එරෙහි වන බවයි.
මුලතිව් කුරුදුමලේ විහාර භූමියේ කෝවිලක පොංගල් උත්සවයක් පැවැත්වීමට යාමේදීත් යාපනයේ කන්කසන්තුරේ ශ්රී තිස්ස විහාරයේ චෛත්යයට නිධන් තැන්පත් කිරීමට ගිය අවස්ථාවේදීත් මේ බව ඉතා හොදින් ප්රදර්ශනය වූ බව ඔවුහු ප්රකාශ කළහ.
මෙය දැඩි අසාධාරණයක් බව පෙන්වා දුන් යාපනයේ විරෝධතාකරුවෝ පුරා විද්යා නිලධාරීන් සැම ආගමකම පුරා වස්තුවලට ගෞරවයක් ගෙන දෙන ආකාරයට කටයුතු කළ යුතු බව කියා සිටියහ.
මේ සම්බන්ධයෙන් රජයට බලපෑමක් කරමින් පවත්වන ලද මෙම විරෝධතාවයෙන් පසුව විශේෂ ලිපියක් රජය වෙතද මේ විරෝධතාකරුවන් විසින් යවා ඇත.
