දිනසේන රතුගමගේ –
ත්රස්තවාදය වැළැක්වීමේ පනත යටතේ අත් අඩංගුවට ගත් කිළිනොච්චිය පලෙයි රෝහලේ වෛද්යවරයෙකු වූ සින්නයියා ශිවරූබන් නැමැත්තා ඇපමත නිදහස් කිරීමට කිළිනොච්චි අධිකරණය නියෝග කර තිබේ.
මෙම නියෝගය ඊයේ (09) ප්රකාශයට පත් කර ඇත.
පලෙයි රෝහලේ සේවය කරමින් සිටියදී ඔහුගේ නිවසේ තිබී පුපුරණ ද්රව්ය විශාල ප්රමාණයක් හා තවත් යුද උපකාර්ණ කීපයක් සමග ඔහු 2019 අගෝස්තු මස 18 වෙනිදා අත් අඩංගුවට ගන්නා ලදී.
වෛද්යවරයාගෙන් කළ ප්රශ්න කිරීම් වලදී ඔහු එල්.ටී.ටී.ඊ සංවිධානය සමග කටයුතු කළ බවට පොලිස් ත්රස්ත මර්දන ඒකකය විසින් අනාවරණය කරගෙන තිබුණි.
ඒ අනුව ඔහු මෙතෙක් කල් අත් අඩංගුවේ පසු වූ අතර නීතිඥවරු විසින් කිළිනොච්චිය මහාධිකරණයට ඉදිරිපත් කළ පෙත්සමකට අනුව ඔහුව ඇප මත නිදහස් කොට තිබේ.
