පළාත් පාලන මැතිවරණය ලබන වසරේ මාර්තු මස 20 වැනිදාට පෙර පවත්වන බවත් ඊට අදාල නාමයෝජනා කැඳවීමේ ගැසට් නිවේදන ජනවාරි මස 05 වැනිදාට පෙර නිකුත් කිරීමට කටයුතු කරන බවත් මැතිවරණ කොමිසමේ සභාපති නීතීඥ නිමල් පුංචිහේවා මහතා පවසයි. මේ අනුව 2023 වසරේ මාර්තු මස 25 වැනිදාට පෙර අදාළ පලාත් පාලන ආයතනවලට තෝරා පත් කර ගැනුණු සභිකයින්ගේ නම් ප්රකාශයට පත් කරන බවත් සභාපතිවරයා ප්රකාශ කරයි.
මීට පෙර මැතිවරණ කොමිසම අදාළ නාමයෝජනා කැඳවීමේ දිනය දෙසැම්බර් මාසය අවසානය වනවිට ප්රකාශ කිරිමට තීනණය කර ඇති බව දන්වා සිටියද පසුව සඳහන් කළේ විවිධ හේතු නිසා එම දිනය කල් තැබීමට සිදුවූ බවයි. නාම යෝජනා කැඳවීම පිළිබඳව ගැසට් නිවේදනය ප්රකාශ කිරීමෙන් දින 14ක් තුළ නාම යෝජනා කැඳවීම ආරම්භ කිරීමට නියමිත බවද මැතිවරණ කොමිසමේ සභාපතිවරයා මීට පෙ=ර සඳහන් කළේය.
මේ අතර පැෆරල් සංවිධානයේ විධායක අධ්යක්ෂ රෝහණ හෙට්ටිආරච්චි මහතා ප්රකාශ කර තිබුණේ ජනවාරි මස 05 වැනිදාට පෙර නාම යෝජනා කැදවීම පිළිබඳව ගැසට් නිවේදනය ප්රකාශයට පත් නොකළහොත් තම සංවිධානය අධිකරණය හමුවට යන බවයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
