පළාත් පාලන මැතිවරණයේ දී වැඩිම නාම යෝජනා ප්රතික්ෂේපවීම මහනුවරින් වාර්තාවූ බව දිස්ත්රික් තේරීම්භාර නිලධාරී ඉන්දික උඩවත්ත ම පවසයි.
ඒ අනුව මහනුවර දිස්ත්රික්කය සඳහා කණ්ඩායම් 230ක් ඇප මුදල් තැම්පත් කළ අතර නාම යෝජනා ඉදිරිපත් කරන ලද්දේ පක්ෂ හා ස්වාධීන කණ්ඩායම් 210කි. ඉන් 58ක් ප්රතික්ෂේප වූ බව ඔහු පැවසුවේය.
තේරීම්භාර නිලධාරී ඉන්දික උඩවත්ත මෙම අදහස් පළ කරන ලද්දේ මහනුවර දිස්ත්රික් ලේකම් කාර්යාලයේ දී අද (21) පැවැති මාධ්ය හමුවකට එක් වෙමිනි.
පිළිගත් දේශපාලන පක්ෂ 52ක් ද ස්වාධීන කණ්ඩායම් 06ක ද නාම යෝජනා ප්රතික්ෂේප වූ බව කී ඔහු, නාවලපිටිය නගර සභාව සහ මැදදුම්බර ප්රාදේශීය සභාව සඳහා පමණක් ඉදිරිපත් කළ නාම යෝජනා ප්රතික්ෂේප නොවුණූ බව කීවේය.
ඒ අනුව මහනුවර මහ නගර සභාවේ පිළිගත් දේශපාලන පක්ෂ 04ක් සහ ස්වාධීන කණ්ඩායම් 02ක් වශයෙන් නාම යෝජනා 06ක් ප්රතික්ෂේප වූ බව කී තේරීම්භාර නිලධාරීවරයා, පන්විල ප්රාදේශීය සභාවේ පිළිගත් දේශපාලන පක්ෂ 05ක් සහ ස්වාධීන කණ්ඩායම් 01ක් වශයෙන් නාම යෝජනා 06ක් ප්රතික්ෂේප වූ බව ද කීවේය.
වත්තේගම නගර සභාව, කඩුගන්නාව නගර සභාව, ගම්පොල නගර සභාව ද තුම්පනේ, හාරිස්පත්තුව, අකුරණ, පූජාපිටිය, පාතදුම්බර, උඩුදුම්බර, මිනිපේ, කුණ්ඩසාලේ, පාතහේවාහැට, ගඟවට කෝරළය, යටිනුවර, උඩුනුවර, උඩපළාත, ගඟඉහළ කෝරළය සහ පස්බාගේ කෝරළය යන ප්රාදේශීය සභාවලට ඉදිරිපත් කළ නාම යෝජනා ප්රතික්ෂේප වූ බව ද තේරීම්භාර නිලධාරීවරයා පැවසුවේය.
මහනුවර දිස්ත්රික්කයේ ලියාපදංචි ඡන්ද සංඛ්යාව දෙළොස්ලක්ෂ දෙදහස් පන්සිය පනස් අටක් ( 1 202 558) වන අතර පළාත් පාලන මැතවරණය සඳහා ඡන්ද කොට්ඨාම 368ක ඡන්ද මධ්යස්ථාන 937ක් ක්රියාත්මක වන බව ද තේරීම්භාර නිලධාරී ඉන්දික උඩවත්ත තවදුරටත් කීවේය.
