විපක්ෂනායක සජිත් ප්රේමදාස විසින් 27/2 යටතේ විදුලිබල හා බලශක්ති අමාත්යවරයාගෙන් ඇසූ ප්රශ්නය අනු ප්රශ්න 32කින් යුතු ප්රශ්න පත්රයක් බවත්, එවැනි ප්රශ්න පත්ර ස්ථාවර නියෝගවලට පටහැනි බැවින් ස්ථාවර නියෝග යටතේ නැවත එම ප්රශ්නය අසන්නේ නම් සති දෙකක් තුළ පිළිතුරු ලබාදිය හැකි බවත් විදුලි බල හා බලශක්ති ඇමති ඉංජිනේරු කුමාර ජයකොඩි අද ( 21) පාර්ලිමේන්තුවේ දී ප්රකාශ කළේය.
පුනර්ජනනීය බලශක්තිය සම්බන්ධව විපක්ෂ නායකවරයා ඉදිරිපත් කළ මෙම ප්රශ්න පත්රය සම්බන්ධව අදහස් දක්වමින් විදුලිබල හා බලශක්ති ඇමතිවරයා කීවේ මෙවැන්නකි.
මා වෙත ඊයේ අපරභාගයේ ලැබුණු ප්රශ්න පත්රය තුළ ප්රශ්න අංක 6ක් යටතේ ප්රශ්න අහලා තිබුණා. ප්රශ්න අංක 1 යටතේ ප්රශ්න 08ක් , ප්රශ්න අංක 2 යටතේ ප්රශ්න 5ක්, ප්රශ්න අංක 03 යටතේ ප්රශ්න 5ක්, ප්රශ්න අංක 4 යටතේ ප්රශ්න 08ක්, ප්රශ්න අංක 5 යටතේ ප්රශ්න 4ක්, ප්රශ්න අංක 6 යටතේ ප්රශ්න 1ක් ද වශයෙන් අනු ප්රශ්න 32කින් සමන්විත ප්රශ්න පත්රයක් මට ඊයේ ලැබුනේ.
හැබැයි ස්ථාව නියෝග 27/2 අනුව ” එසේ වුවද ප්රශ්නය අවසානයේ දී පොදු වැදගත්කමින් යුතු කරුණක් සම්බන්ධයෙන් ප්රශ්නයක් අදාල අමාත්යවරයාට විධිමත් ලෙස දැනුම් දීමකින් අනතුරුව පාර්ලිමේන්තුවේ විරුද්ධ පාර්ශවයේ නායකයා හෝ පිලිගත් දේශපාලන නායකයෙක් විසින් අසනු ලබනු හැකිය…” එහෙම ප්රතිපාදන තිබෙද්දි ඉහත පරිදි ඉදිරිපත් කිරීම ස්ථාවර නියෝග උල්ලංඝනය කිරිමක් ලෙස මට හැඟී යනවා.
ඒ වගේම මගේ අමාත්යාංශයට අමතරව මේ යටතේ ඇති ආයතනවලින් විශාල තොරතුරු ලබා ගත යුතුයි. විශේෂයෙන්ම මේ ඔව් නෑ බෑ උත්තර නෙමෙයි තිබෙන්නේ. දත්ත තියෙන්නෙ. මේ තරම් විශාල දත්ත ගොඩක් ඉතා කෙටි කාලයක් තුළ ලබාගෙන අමාත්යවරයා විසින් පරීක්ෂා කරලා අනුමත කර පාර්ලිමේන්තුවට ඉදිරිපත් කරන්න ඊයේ දවසේ පැය 03ක විතර කාලයක් තමයි ඊයේ දවසේ ලැබෙන්නේ. ඒක කරන්න අපහසුයි කියලා කරුණාවෙන් දැනුම් දෙන්න සිදුවෙලා තියනවා.
ඒ නිසා කථානායක තුමනි… ඔබතුමාගේ කාරුණික අවධානය මේ සඳහා යොමු කර මෙසේ මේ ස්ථාවර නියෝග එහි අරමුණට නොගැලපෙන ලෙස යොදා නොගන්නා ලෙස අදාල පාර්ශවයන්ට උපදෙස් ලබා දෙන්නැයි ඉල්ලා සිටිනවා. ඒ වගේම මේ ප්රශ්නය නිවැරදිව නිවැරදි ස්ථාවර නායෝග යටතේ ඉදිරිපත් කරන්නේ නම් පිළිතුරු ලබා දීමට කිසිම පැකිලීමක් නොවන අතර මේ ප්රශ්නය සඳහා පිළිතුරු ලබා දීමට සති දෙකක කාලයක් ලබා දෙන්න කියලා ඉල්ලා සිටිනවා.
සජිත් – ස්ථාවර නියෝගවලට අනුකූලවයි මේ ප්රශ්න මාලාව ඉදිරිපත් කළේ. මේ ඉදිරිපත් කළේ පුනර්ජනණීය බලශක්ති ය වෙනුවෙන්. එහෙම නැතිව ඩීසල් විදුලිබල මාෆියාව ආරක්ෂා කරන්න නෙමෙයි. මේක බරපතල ප්රශ්නයක් ගරු කතානායක තුමනි. සුනිත්ය බලශක්තිය පිළිබඳ රජයේ ප්රතිපත්තිමය මතයත් අපේ දිගටම මතයත් එකයි.
මේ ප්රශ්නය පාර්ලිමේන්තු කටයුතු පිළිබඳ කාරක සභාවේ දී කතා කරලා විසඳුමක් ගනිමු.
මෙතෙක් 27/2 යටතේ ප්රශන අහපු ක්රමවේදත් මම අහපු ක්රමවේදයත් වෙනසක් නෑ. කිසිම වෙනසක් නෑ. අහලා තියන ප්රශ්නයයි ගැටලුව. පුනර්ජනනී බල ශක්තිය ද ඩීසල් මාෆියාව ද කියන එක. ප්රශ්නයට උත්තරයක් ඕන. විපක්ෂ නායකවරයා කීවේය.
ප්රශ්නය පාර්ලිමේන්තු කටයුතු පිළිබඳ කාරක සභාවේ දී කතා කිරීමට තීරණය කෙරිනි.
