පාස්කු ප්රහාරය පිළිබඳ විමර්ශනය කළ ජනාධිපති කොමිසමේ අවසන් වාර්තාවේ නිර්දේශ රටට හා ජනතාවට වසන් කර ඒවා යට ගැසීමේ කුමන්ත්රණයක් පවතින බව ජනතා විමුක්ති පෙරමුණේ නායක අනුර කුමාර දිසානායක මහතා පැවසීය.
මේ නිසා මෙම කොමිෂන් සභා වාර්තාව වහාම ක්රියාත්මක වන පරිදි පාර්ලිමේන්තුවට ඉදිරිපත් කර සිටින ලෙස ආණ්ඩුවට බල කර සිටින බව හෙතෙම කීය.
පාස්කු ප්රහාරය පිළිබඳ පත් පත්කරන ලද ජනාධිපති කොමිසමේ වාර්තාව පිළිබඳව කරුණු දක්වමින් ඒ පිළිබඳ සඳහන් කළ දිසානායක මන්ත්රීවරයා කොමිසමේ තොරතුරු සැඟවීමට ආණ්ඩුව දරන උත්සාහය පරාජය කිරීම සඳහා සියලු පාර්ශව එක් විය යුතු බව හෙතෙම අවධාරණය කළේය.
පසුගිය මැතිවරණවලදී පාස්කු ප්රහාරය පිළිබඳව ජනතාවට කරුණු දක්වමින් ඊට සම්බන්ධ වැරදිකරුවන්ට දඬුවම් ලබා දෙන බවට වත්මන් පාලකයින් පොරොන්දු වුවද අද එම කොමිසමේ කරුණු සඟවා තබා ගැනීමට උත්සහ කරමින් සිටින බවට චෝදනා කළේය.
පාස්කු ප්රහාරයට වගකිව යුත්තන් කවුද ඔවුන්ට දෙන දඬුවම කුමක්ද යන්න පිළිබඳ දැකබලා ගැනීමට රටේ ජනතාවට අයිතියක් තිබෙන බව පවසන අනුර කුමාර දිසානායක මහතා සත්ය කරුණු වසන් කරමින් සත්ය යටගැසීමට ආණ්ඩුවට කිසිවිටෙකත් ඉඩ ලබා නොදෙන බව සඳහන් කළේය.
පාස්කු ප්රහාරය පිළිබඳව සොයා බැලීමට පත්කළ කොමිෂන් සභාවේ වාර්තාව අද වත්මන් පාලකයින්ටම පාරාවළල්ලක් වී තිබෙන බව පවසන දිසානායක මහතා එම කොමිසමේ කරුණු නිසි පරිදි ක්රියාත්මක කරන තෙක් ඒ සම්බන්ධයෙන් අවදියෙන් සිටිය යුතු බව සියළු පාර්ශවයන්ගෙන් ඉල්ලා සිටී.
