පාස්කු ඉරිදා ත්රස්ත ප්රහාරයට වසර තුනක් පිරෙන දිනයේ මේ පිළිබඳ ව පාර්ලිමේන්තු විවාදය පැවැත්වෙන මොහොතේ නැගෙන චෝදනා රාශියට පිළිතුරු දෙන්නට ආණ්ඩු පක්ෂයේ කිසිදු මන්ත්රිවරයකු නොමැති වීම ගැන සමගි ජනබලවේග මන්ත්රි හරීන් ප්රනාන්දු අද චෝදනා කළේය. සිය කතාව ආරම්භ කරන අවස්ථාව වනවිට පාර්ලිමේන්තුවේ ආණ්ඩු පක්ෂයේ සිටියේ එකම මන්ත්රිවරයකු පමණක් වන අතර ඒ අමාත්ය දිලුම් අමුණුගම මහතා පමණි.
ඔහු එහිදී සඳහන් කළේ එම අවස්ථාවේ ආණ්ඩු පක්ෂ මන්ත්රිවරුන්ගේ රැස්වීමක් පැවැත්වෙන බැවින් එම රැස්වීම අවසන් වූ සැණින් මන්ත්රිවරුන් සභා ගැබට පැමිණෙනු ඇති බවය. ඊට ප්රතිචාර දැක්වූ හරීන් ප්රනාන්දු මන්ත්රිවරයා මෙවැනි රටට වැදගත් විවාදයක් සිදුවන අවස්ථාවේදී විවාදය නොපැවැත්වෙන අවස්ථාවක මෙවැනි රැස්වීම් පැවැත්විය යුතු බවත් මේ වනවිට ආණඩු පක්ෂය තත්ත්වය උණුසුම් බැවින් එවැනි රැස්වීම් අවශ්ය ව ඇති බව සඳහන් කරමින් සිය කතාව දිගටම කරගෙන ගියේය.
එහිදී තවදුරටත් අදහස් දැක්වූ මන්ත්රිවරයා “මේ පාර්ලිමේන්තුවේ වැදගත්කම අවංකකම මන්ත්රිවරුන්ගේ සහභාගීත්වයෙන් පේනවා. විශාල චෝදනා රාශියකට ආණ්ඩුව මුහුණ දෙන මොහොතක උත්තර දෙන්න මන්ත්රිවරයෙක් නැතිව සිටිනවා.”
පාස්කු ප්රහාරය සිදුවී අදට අවුරුදු තුනයි.තවම මේ ගැන හරි පියවරක් ගන්න අණ්ඩවට නොහැකි වී තිබෙනවා. මේ ප්රහාරය සම්බන්ධ වාර්තා ටික පුස්තකාලයට දාල තියනවා. තවම එයින් එක සොෆ්ට් කොපි එකක් දෙන්න බැරිවෙලා. මේ වාර්තාවෙත් කොටස් අඩුයි. සම්පූර්ණ වාර්තාවේ පිටපතක් කාදිනල් උන්නාන්සේට දෙන්න, මාධ්යයට දෙන්න බැරිවෙලා. මේ ටිකවත් කලේ එකම එක හේතුවක් නිසා . ඒ මානව හිමිකම් කවුන්සලේට යන්න කලින් එය එලියට දැම්ම කියල කියන්න ඕන නිසයි. මේ අර්බුදය කොච්චර දුර ගියාද? අද සහරාන් පාවිච්චි කරපු වාහනේ අද පොලිසිය පාවිච්චි කරන තැනයට පත් වෙලා. සහරාන්ලා මිනී මරන්න යන්න පාවිච්චි කරපු වාහනේ පොලිසිය නැගල යන්න ලැජ්ජ නැද්ද? පොලිස් ඇමතිට ඒකේ යන් ලැජ්ජ නැද්ද?
