සූරියවැව නුවන් ජයසේකර –
-
යතුරුපැදියේ ගමන් ගත් තරුණ අඹු සැමි යුවල රෝහල්ගත කරයි… සැමියාගේ තත්ත්වය බරපතලයි…
තණමල්විල මාතර ප්රධාන මාර්ගයේ රණවරණාව ප්රදේශයේදී යතුරු පැදියක්, වෑන් රථයක් හා බස් රථයක් මතට මාර්ගය අයිනේ පිහිටි විශාල සක් කඩා වැටීමෙන් ඊයේ (16) රාත්රියේ සිදු වු අනතුරකින් දෙදෙනෙකු රෝහල් ගත කර ඇතැයි ලුණුගම්වෙහෙර පොලිසිය පවසයි.
ගස කඩා වැටීමෙන් මෙලෙස අනතුරට ලක්ව ඇත්තේ ලුණුගම්වෙහෙර දෙස සිට තණමල්විල දෙසට ගමන් කරමින් සිටි අඹු සැමි යුවලක් රැගත් යතුරු පැදියක්, විදේශීකයන් පිරිසක් රැගත් වෑන් රථයක් හා තිස්සමහාරාම සිට තණමල්විල දක්වා මගින් ප්රවාහනය කරනු ලබන බස් රථයකි.
මෙහිදී වෑන් රථයේ ගමන් ගත් විදේශිකයින්ට හානියක් සිදුවී නැත.
අනතුරින් යතුරු පැදියේ ගමන් ගත් තණමල්විල ප්රදේශයේ පදිංචි 25 හා 23 හැවිරිදි අඹු සැමි යුවල තුවාල ලබා තණමල්විල රෝහලට ඇතුළත් කිරීමෙන් පසු 25 හැවිරිදි පිරිමි පුද්ගලයා බරපතළ තත්වයේ පසුවිම හේතුවෙන් වැඩිදුර ප්රථිකාර සදහා ඔහු හම්බන්තොට මහ රෝහලට මාරුකර යවා තිබේ.
අනතුරින් විදේශිකයක් රැගත් වැන් රථයට හා බස් රථයටද දැඩි අලාභ හානි සිදුව තිබේ. සිද්ධිය සම්බන්ධයෙන් ලුණුගම්වෙහෙර පොලිසිය වැඩිදුර විමර්ශණ පවත්වයි.
