ලලිත් චාමින්ද –
ගාල්ල දිස්ත්රික්කයේ පාසල් තුළ ඇති ඉතා කඩිනමින් ඉවත්කළ යුතු අනතුරුදායක ගස් 242ක් පමණ හදුනාගෙන ඇති බැව් ගාල්ල දිස්ත්රික් පාර්ලිමේන්තු මන්ත්රි හා කෝප් කමිටුවේ සභාපති වෛද්ය නිශාන්ත සමරවිර පවසයි.
තාක්ෂණික නිලධාරින්ගේ දැඩි හිගයක් පැවතිම නිසා මෙකි අනතුරුදායක ගස්ඉවත් කිරිමේ දි ඒ සදහා අවශ්ය තාක්ෂණික උපදෙස් ලබාගැනීමට හපුගල ඉංජිනේරු පිඨයේ සහයෝගය ලබාගන්නා බවද මන්ත්රිවරයා පවසයි.
මීට අමතරව පාසල් භුමිවල ඇති, අනාරක්ෂිත ගොඩනැගිලි, අවදානම් ළිං, නායයෑම් අවදානම් තත්ත්වයන් ඇති කඳු හඳුනාගෙන ඇති බවද හෙතෙම පවසයි. අනතුරුදායක ගොඩනැගිලි සහ අනතුරුදායක ගස් ඉවත් කිරිමේ දි එවා තක්සේරු කිරීම සදහා හපුගල ඉංජිනේරු පිඨය විසින් අවශ්ය සහයෝගය ලබාදිමට එකඟවි ඇති බවත් අධ්යාපන අමාත්යංශය, පළාත් පාලන ආයතනය, රාජ්ය දැව සංස්ථාව ඇතුළු ආයතන එක්ව කඩිනමින් මේ සඳහා අවශ්ය ක්රියාමාර්ග ගන්නා බවත් වෛද්ය නිශාන්ත සමරවිර කියයි.
මෙවැනි කටයුතු කිරිමේ දි ප්රජාවගේ සහභාගිත්වය සහ සහයෝගය ඉතා වැදගත් බව ද මන්ත්රිවරයා වැඩිදුරටත් සඳහන් කළේය.
