පානදුර පිංවත්තේ දී වෙඩි තබා ඝාතනය කළ කඩවත කෝටිපති ව්යාපාරික අනුරාධ සම්පත් කුඩාගොඩ ඝාතනය පාතාල කුලී වෙඩික්කාරයෙකුට ලබා දුන් කොන්ත්රාත්තුවක් මත සිදුවී ඇතැයි මූලික විමර්ශනවල දී හෙළි වී ඇත.
කප්පම් නොගෙවීම හේතුවෙන් පළි ගැනීම සඳහා ඩුබායිහි වෙසෙන පාතාලයෙක් විසින් කුලී ඝාතකයෙක් කොන්ත්රාත් පදනම මත යොදවා මෙම ඝාතනය සිදුකර ඇතිදැයි සැකයක් ඇති වී තිබේ.
එමෙන්ම මෙම පුද්ගලයා එක් විවාහයකට වඩා සිදුකරගෙන ඇති බැවින් එම පුද්ගලික ආරවුලක් ඝාතනය හේතු වී ඇත්දැයි සයො බලන බව ද පොලිසිය කියයි.
විමර්ශන වලදී හෙළි වී ඇත්තේ උදෑසන ඔහු පිංවත්තට පැමිණ ඇත්තේ ඔහුගේ දරුවෙක් පාසලට ඇරළවා බවය.
ජිප් රථයට වෙඩි තබා ඇත්තේ රථය ධාවනය වෙමින් තිබෙද්දී බැවින් වෙඩි වැදුණු පසු රථය පාලනයෙන් ගිලිහී මාර්ගයේ අනෙක් පස බැම්මක ගැටී නතරවී ඇත.
වෙඩික්කරු පැදගෙන පැමිණිබවට සැක කරන යතුරු පැදිය වාද්දූව වේරගම සයප්රස් උද්යානය ආසන්නයේ දමාගොස් තිබිය දී හමුවී තිබේ.
මෙම ස්ථානයට වෙඩි තැබූ ස්ථානයේ සිට කිලෝමීටර තුනක පමණ දුරක් ඇතැයි පොලිසිය කියයි.
ඝාතකයා හඳුනා ගැනීමට පුලුල් මෙහෙයුමක් දියත් කර ඇති බවත් අද දවස තුළ මෙම ඝාතන රහස හෙළිකරගත හැකිවනු ඇති බවත් පොලිස් විමර්ශන අංශ විශ්වාසය පලකරයි.
