පානදුර සුමිත් පොතුපිටිය –
පානදුර ප්රදේශයේ 15 හැවිරිදි දැරියක ව්යාපාරිකයින් සහ වැඩිහිටි පුද්ගලයින්ට මුදලට අලෙවිකිරීම සම්බන්ධයෙන් සැකපිට දැරියගේ මව සහ දැරියගේ පහස ලැබූ පුද්ගලයින් සිව්දෙනෙකු අත්අඩංගුවට ගත්බව පානදුර උතුර පොලිසිය පවසයි.
අත්අඩංගුවට පත්වූවන් අතර අවුරුදු 84 ක් වයසැති ලියවන පට්ටල් කරුවෙකු සිටින බවත් සදහන් වේ.
පානදුර , කෙසෙල්වත්ත සහ ගොරකාන ප්රදේශයේ පදිංචි කරුවන් මෙහිදී අත්අඩංගුවට ගෙන ඇති බවත් දැරිය මුදලට ලබාගත් තවත් පුද්ගලයින් සොයා පරීක්ෂණ සිදුකරන බවත් පොලිසිය කීය.
බාල වයස්කාර දැරියක වැඩිහිටි පුද්ගලයින්ට මුදලට අලෙවි කරන බවට ලද තොරතුරක් පිළිබඳ බස්නාහිර පළාත භාර ජේෂ්ඨ නියෝජ්ය පොලිස්පති දේශබන්දු තෙන්නකෝන්ගෙන් ලද උපදෙස් මත කාන්තා උප පොලිස් පරීක්ෂක කමලා ඇතුළු පොලිස් කණ්ඩායම දැරිය මුදාගෙන රෝහල් ගතකර තිබේ.
ලබාදී ඇති ප්රකාශ අනුව ප්රදේශයේ ව්යාපාරික කාන්තාවක විසින් දැරියගේ මවද රවටා ඇයටද මුදල් ලබාදී දැරියව වැඩිහිටි පුද්ගලයින්ට ඇතැයි පොලිසිය පවසයි.
සිද්ධියට සම්බන්ධයෙන් සැකකාර ව්යාපාරික කාන්තාව ප්රදේශයේ හැරහොස් සිටින බවත් ඇය සොයා පරීක්ෂණ සිදුකරන බවත් උසස් පොලිස් නිලධාරීයෙක් කීය.
කලක පටන් ඇය මේ ජාවාරම කරගෙන ගොස් ඇති බවත්, දැරියගේ පහස ලැබූ තවත් පුද්ගලයින් සම්බන්ධයෙන් වැඩිදුර විමර්ශන සිදුකරන බවත් සදහන් වේ.
අත්අඩංගුවට ගෙන ඇති 42, 45, 54 සහ 84 වියැති සැකකරුවන් පානදුර මහේස්ත්රාත් අධිකරණයට ඉදිරිපත් කිරීමට නියමිතව තිබුණි .
බස්නාහිර පළාත් භාර ජේෂ්ඨ නියෝජ්ය පොලිස්පති දේශබන්දු තෙන්නකෝන්, ජේෂ්ඨ පොලිස් අධිකාරී සමන්ත වෙදගේ , සහකාර පොලිස් අධිකාරී නිශාන්ත සේනාරත්න යන මහත්වරුන්ගේ උපදෙස් මත ස්ථානාධිපති පොලිස් පරීක්ෂක සංජීව ලක්මාල් ගේ මෙහෙයවීමෙන් ළමා හා කාන්තා කාර්යාංශ ස්ථානාධිපති උප පොලිස් පරීක්ෂක කමලා බණ්ඩාර සහ කොස්තාපල් මධුෂානි (12948) පරීක්ෂණ පවත්වති
